Һәр јаш үчүн нүмунә

Онун Аллаһла сәмими вә сых мүнасибәтләри варды. О, бүтүн һәјатыны Јеһованын ирадәсини јеринә јетирмәјә һәср етмишди. О, һәгиги Аллаһла јеријирди вә белә һәјат тәрзи мүкафатсыз галмады. Бу инсанын ады Нуһ иди вә ондан һәм ҝәнҹләр, һәм дә јашлылар нүмунә ҝөтүрә биләрләр (Јар. 6:9). «Нуһ. О, Аллаһла јеријирди» адлы видеофилм Нуһун һәјат тәрзини тәсәввүрүндә ајдын ҹанландырмагда, Јеһованын она нә үчүн хејир-дуа вердијини баша дүшмәкдә вә онун јахшы хүсусијјәтләрини тәглид етмәкдә сәнә көмәк едәҹәк.

Бу филмин рәгәмли видеодискиндә (ДВД) мараглы бир суал-ҹаваб ојуну вар. Филмә бах, сонра өзүнү јохламаг үчүн нөвбәти суаллара ҹаваб вер: 1) Бә’зи мәләкләр һансы сәһв һәрәкәти етдиләр вә Нефилимләр ким иди? (Јар. 6:1, 2, 4, КМ). 2) Адамлар нә үчүн бу гәдәр пис олдулар вә Аллаһ буна ҝөрә һансы һиссләри кечирирди? (Јар. 6:4-6). 3) Нуһ башгаларындан нә илә фәргләнирди? (Јар. 6:22). 4) Пис адамлар неҹә мәһв едилдиләр? (Јар. 6:17). 5) Нуһун тикдији ҝәми һансы өлчүдә иди? (Јар. 6:15). 6) Нуһ даһа нә едирди вә адамларын буна мүнасибәти неҹә иди? (Мат. 24:38, 39; 2 Пет. 2:5). 7) Һејванларын һәр нөвүндән нечәси ҝәмијә ҝөтүрүлмүшдү? (Јар. 7:2, 3, 8, 9). 8) Јағыш нә гәдәр давам етди вә јер сујун алтында нә гәдәр галды? (Јар. 7:11, 12; 8:3, 4). 9) Нуһ вә онун аиләси нәјә ҝөрә сағ галды? (Јар. 6:18, 22; 7:5). 10) Ҝәми һарада дајанды? (Јар. 8:4). 11) Ҝәмидән чыхмағын тәһлүкәсиз олдуғуну Нуһ неҹә өјрәнди? (Јар. 8:6-12). 12) Ҝәмидән чыхдыгдан сонра Нуһ нә етди? (Јар. 8:20-22). 13) Ҝөј гуршағы нәји тәмсил едир? (Јар. 9:8-16). 14) Аллаһла јеримәк нә демәкдир? (Јар. 6:9, 22; 7:5, КМ). 15) Ҹәннәтдә Нуһла ҝөрүшмәк истәјириксә, нә етмәлијик? (Мат. 28:19, 20; 1 Пет. 2:21).

Садиг вә итаәткар Нуһун һадисәси сәнә Јеһова Аллаһла јеримәклә вә Онун мүасир хидмәтчиләрини хилас едәҹәји илә әлагәдар нә өјрәтди? (Јар. 7:1; Сүл. мәс. 10:16; Ибр. 11:7; 2 Пет. 2:9).