Ҹәсарәтли, ејни заманда сүлһпәрвәр олун
1 Тәблиғ етдијимиз адамларын чоху Мүгәддәс Китаба зидд олан тә’лимләрә инаныр. Биз ҹәсарәтлә тәблиғ етмәли, бунунла јанашы ‘бүтүн адамларла сүлһдә олмалы’ вә һеч кимин һиссләринә тохунмамалыјыг (Ром. 12:18; Һәв. иш. 4:29). Падшаһлыг һаггында хәбәри чатдыраркән ҹәсарәтли, ејни заманда сүлһпәрвәр олмаг үчүн нә едә биләрик?
2 Ортаг мөвзу тапмаға чалыш. Сүлһпәрвәр инсан мүбаһисәдән гачыр. Һәмсөһбәтимизин сәмими гәлбдән инандыгларынын јалан олдуғуну сүбут етмәјә чалышсаг, чәтин ки, о бизи динләмәк истәсин. Инсан сәһв фикир сөјләјәрсә, сөһбәти нәзакәтлә ортаг мөвзуја чевирә биләрик. Белә етмәклә биз мәнфи мүнасибәти арадан галдырар вә инсанын үрәјинә јол тапарыг.
3 Инсанларын јанлыш фикирләринә дүзәлиш вермәјәндә, һәгигәтә хәјанәт етдијимизи вә ја ону гијмәтдән салдығымызымы ҝөстәририк? Хејр. Бир мәсиһчи кими бизим тапшырығымыз һәр сәһв фикри тәкзиб етмәк дејил, Аллаһын Падшаһлығы һаггында хош хәбәри тәблиғ етмәкдир (Мат. 24:14). Һәр сәһв фикрә кәскин мүнасибәт ҝөстәрмәкдәнсә, бундан инсанын дүшүнҹә тәрзини анламаг үчүн әлверишли бир имкан кими истифадә едә биләрик (Сүл. мәс. 16:23).
4 Инсанлара һөрмәтлә јанаш. Бә’зән сәһв тә’лимләри ҹәсарәтлә тәкзиб етмәк лазым ҝәлир. Сүлһпәрвәр инсанлар кими, биз башгаларына истеһза етмир вә сәһв тә’лимләрә инандығы вә башгаларына өјрәтдији үчүн һеч кимин үнванына алчалдыҹы сөзләр сөјләмирик. Тәкәббүрлү данышыг инсанлары узаглашдырыр, тәвазөкар вә хејирхаһ сөзләр исә һәгигәти севәнләрдә мараг ојадыр. Һәмсөһбәтимизә вә инандығы шејләрә һөрмәт етдијимизи ҝөстәрәриксә, хош хәбәри гәбул етмәк онун үчүн асан олаҹаг.
5 Һәвари Павел тәблиғ етдији инсанларын дини бахышларыны нәзәрә алыр вә хош хәбәри онларын үрәјинә јол тапаҹаг тәрздә тәблиғ едирди (Һәв. иш. 17:22-31). О, һәвәслә ‘һәр кәс үчүн һәр шеј олурду ки, һәр неҹә олурса-олсун бә’зиләрини хилас етсин’ (1 Кор. 9:22). Хош хәбәри ҹәсарәтлә тәблиғ едәркән, сүлһпәрвәрлик ҝөстәрмәклә биз дә белә даврана биләрик.