Сән тәбии фәлакәтә һазырсанмы?
1. Фәлакәтләрә габагҹадан һазыр олмаг нә үчүн дүзҝүндүр?
1 Һәр ил милјонларла адам, о ҹүмләдән руһани баҹы вә гардашларымыз зәлзәлә, сунами, муссон күләји, гасырға, боран вә дашгынлара мә’руз галырлар. Тәбии фәлакәтләр ҝөзләнилмәз олур вә һәр биримизин башына ҝәлә биләр. Бу сәбәбдән дә онлара габагҹадан һазырлашмаг дүзҝүндүр (Сүл. мәс. 21:5).
2. Үнванымыз вә ја әлагә телефонларымыз дәјишәндә нәјә ҝөрә ағсаггаллара хәбәр вермәлијик?
2 Габагҹадан. Бә’зән һөкумәт органлары тәһлүкә доғуран фәлакәтләр барәдә ҹамааты хәбәрдар едир. Бу ҹүр хәбәрдарлыглара фикир вермәк чох ваҹибдир (Сүл. мәс. 22:3). Белә вәзијјәтдә ағсаггаллар, јығынҹағын бүтүн үзвләри илә әлагә сахлајыб лазыми тәдбирләр ҝөрмәкдә онлара көмәк етмәјә чалышаҹаглар. Фәлакәт баш верәндән сонра ағсаггаллар чалышаҹаг ки, јығынҹаглара аидијјәти олан һәр бир адамла әлагә сахлајыб онларын сағ-саламат олуб-олмадыгларыны өјрәнсинләр вә лазыми көмәји ҝөстәрсинләр. Белә һалларда һәр дәгигә гызыла бәрабәрдир. Она ҝөрә дә тәблиғчиләр јығынҹаг катибини вә китабөјрәнмә нәзарәтчиләрини үнванларынын вә әлагә телефонларынын дәјишиб-дәјишмәдијиндән хәбәрдар етмәлидирләр.
3. Әҝәр биз тәбии фәлакәт зонасында јашајырыгса, ағсаггалларла неҹә әмәкдашлыг едә биләрик?
3 Әҝәр јығынҹаг тез-тез фәлакәт баш верән әразидә јерләширсә, ағсаггаллар тәблиғчиләрдән хаһиш едә биләрләр ки, диҝәр әразидә јашајан гоһум вә ја достларындан биринин адыны вә телефон нөмрәсини она версинләр. Ағсаггаллар бу мә’лумат сајәсиндә әразидән көчүрүлмүш баҹы-гардашларын јерини мүәјјән едә биләрләр. Ағсаггаллар һәм дә фөвгәл’адә һал заманы јығынҹағын нә едәҹәји барәсиндә план да ишләјиб һазырлаја биләрләр. Мәсәлән, ән зәрури әшјаларын сијаһысыны тутмаг олар, һәмчинин, фәлакәт зонасыны тезликлә тәрк етмә планыны һазырламаг вә хүсуси көмәјә еһтијаҹы олан баҹы-гардашлара неҹә көмәк етмәк һаггында дүшүнмәк олар. Белә тәдбирләр мәсиһчи мәһәббәтинин тәзаһүрүдүр. Һамынын ағсаггалларла әмәкдашлыг етмәси зәруридир (Ибр. 13:17).
4. Әразимиздә тәбии фәлакәт баш верибсә, нә етмәлијик?
4 Фәлакәтдән сонра. Әҝәр јашадығымыз әразидә тәбии фәлакәт баш верибсә, онда нә етмәлијик? Илк нөвбәдә аиләнин әсас физики тәләбатлары тә’мин едилмәлидир. Имкан даирәсиндә көмәјә еһтијаҹы оланлара әл тутмаг лазымдыр. Сағ-саламат галыб, һеч бир көмәјә еһтијаҹын олмаса да, тез бир заманда китабөјрәнмәнин нәзарәтчиси вә ја башга бир ағсаггалла әлагә јарат. Әҝәр көмәјә еһтијаҹын варса, әмин ола биләрсән ки, гардашларын сәнә көмәк етмәк үчүн әлләриндән ҝәләнләри едирләр (1 Кор. 13:4, 7). Унутма, нәләр чәкдијини Јеһова Аллаһ ҝөрүр. Она архалан (Мәз. 37:39; 62:8). Адамларын руһани көмәјә, тәсәллијә еһтијаҹы олдуғуну ҝөрәндә, көмәјини әсирҝәмә (2 Кор. 1:3, 4). Имкан даирәсиндә тез бир вахтда теократик режиминә гајыт (Мат. 6:33).
5. Мәсиһчиләр дүнјада тәбии фәлакәтләрин баш вермәсинә неҹә мүнасибәт бәсләјирләр?
5 Тәбии фәлакәтләр бүтүн дүнјадакы инсанлары ҝет-ҝедә даһа чох нараһат етсә дә, биз ҝәләҹәјә әминликлә бахырыг. Бир аздан фәлакәтләр кечмишдә галаҹаг (Вәһј 21:4). Һәләлик исә, чәтин вахтлар ҝәлмәмиш онлара һазыр олмалы, лакин ифрата вармамалыјыг. Биз инсанлара хош хәбәри сә’јлә чатдырмаға давам етмәлијик.