Суаллар гутусу
◼ Танымадығымыз инсанла интернет васитәсилә үнсијјәт јаратмагда һансы тәһлүкәләр вар?
Инсанларын интернет васитәсилә бир-бири илә таныш олуб әлагә јаратмасы үчүн бир чох Wеб-сајтлар јарадылмышдыр. Бу сајтлардан бир чохунда, шәкилләр вә башга шәхси информасија дахил олмагла, гыса биографијалар јерләшдирмәк олур. Һәмин сајтлары ҝөрән инсанлар сонрадан бир-бирләри илә әлагә јарада билирләр. Бу ҹүр Wеб-сајтлар ҝәнҹләр арасында чох популјардыр вә јығынҹагдакы бә’зи ҝәнҹләр, өзүнү Јеһованын Шаһиди адландыран кәсләрлә әлагә јаратмаг үчүн һәмин сајтлардан истифадә едирләр.
Интернет васитәсилә таныш олдуғумуз инсан өз шәхсијјәти, Јеһова илә мүнасибәти вә ја нијјәтләри һагда асанлыгла јалан даныша биләр (Мәз. 26:4). Өзүнү Јеһованын Шаһиди адландыран инсан әслиндә һәгиги мәсиһчи олмајан, јығынҹагдан кәнар едилмиш, јахуд һәтта мәсиһчиләри бүдрәтмәјә чалышан дөнүк ола биләр (Галат. 2:4). Мә’лум олдуғу кими, кичик јашлы ушаглары позан бир чох әхлагсыз инсанлар өз гурбанларыны әлә кечирмәк үчүн бу кими Wеб-сајтлардан истифадә едирләр.
Һәтта биз мәктублашдығымыз адамын јығынҹагда јахшы ад газандығына әмин олсаг да, сајтларда едилән сөһбәтләр асанлыгла зәрәрли мөвзулара кечә биләр. Чүнки инсанлар шәхсән танымадыглары адамларла мүәјјән сәрһәд сахламаға о гәдәр дә чалышмырлар. Онлар, һәмчинин белә үнсијјәтин ҝизли олдуғуну, дедикләриндән башгаларынын, мәсәлән, валидејнләринин вә ја ағсаггалларын хәбәр тутмајаҹагларыны дүшүнә биләрләр. Тәәссүф ки, мәсиһчи аиләләриндән бир сыра ҝәнҹләр бу тәләјә дүшмүш вә әдәбсиз сөһбәтләрә ҹәлб едилмишләр (Ефес. 5:3, 4; Колос. 3:8). Диҝәрләри өзләринин еһтирас ојадан шәкилләрини, әдәбсиз ләгәбләри вә ја ачыг-сачыг мусиги клипләрини өз сајтларына дахил етмишләр.
Јухарыда дејиләнләри нәзәрә алараг, валидејнләр ушагларынын компүтердән неҹә истифадә етдикләринә нәзарәт етмәлидирләр (Сүл. мәс. 29:15). Танымадығымыз адамы евимизә дә’вәт етмәк вә ја ушагларымызла тәк гојмаг тәһлүкәли оларды. Бунун кими дә, јад адамларла, һәтта өзләрини Јеһованын Шаһиди адландыран кәсләрлә дә интернет васитәсилә достлашмаг һәм бизим, һәм дә ушагларымыз үчүн тәһлүкәлидир (Сүл. мәс. 22:3).