Һамымыз гаршылыглы олараг руһланаг
1 Һәвари Павел Ромадакы јығынҹаға јазмышды: «Мә’нән гүввәтли олманыза ҝөрә сизә руһани бир ән’ам бәхш етмәк үчүн сизи ҝөрмәји чох арзулајырам, даһа доғрусу, мән аранызда икән, сиздә вә мәндә олан мүштәрәк иман васитәсилә тәшвиг олунаг» (Ром. 1:11, 12). Бизим ҝүнләрдә дә сәјјар нәзарәтчиләрин башчәкмәләри гаршылыглы олараг руһланмағымыз үчүн ејни ҹүр имканлар јарадыр.
2 Јығынҹаг. Рајон нәзарәтчисинин башчәкмәси јығынҹагларда адәтән үч ај габагдан е’лан едилир. Бунун сајәсиндә башчәкмәдән там фајдаланмаг үчүн ишләримизи габагҹадан планлашдырмаға вахтымыз олур (Ефес. 5:15, 16). Әҝәр сән ишләјирсәнсә, һәмин һәфтә әрзиндә хидмәтдә иштирак етмәк үчүн јәгин ишдән иҹазә ала биләрсән. Бә’зи тәблиғчиләр башчәкмә олан ај әрзиндә көмәкчи пионер олмағы планлашдырырлар. Әҝәр һәмин вахты һараса ҝетмәји гәрара алмысанса, дәјишиклик едә биләрсәнми?
3 Рајон нәзарәтчисинин башчәкмәсинин әсас мәгсәди хидмәт заманы тәблиғчиләри руһландырмаг вә тә’лим вермәкдир. Онунла вә ја әҝәр евлидирсә, һәјат јолдашы илә хидмәт етмәји хаһиш едә биләрсәнми? Рајон нәзарәтчисинә мүхтәлиф тәблиғчиләрлә, о ҹүмләдән, даһа аз тәҹрүбәси вә баҹарығы олан тәблиғчиләрлә хидмәт етмәк хошдур. Онун етдији тәгдимәләрдән һамы өзү үчүн нә исә өјрәнә вә нәзакәтлә вердији мәсләһәтләри тәтбиг едә биләр (1 Кор. 4:16, 17). Ону јемәјә дә’вәт етдикдә исә руһландырыҹы үнсијјәт үчүн даһа бир шәраит јараныр (Ибр. 13:2). Рајон нәзарәтчиси чыхышларыны јығынҹағын тәләбатларына ујғунлашдырдығы үчүн диггәтлә гулаг ас.
4 Рајон нәзарәтчиси. Һәвари Павел хидмәт етдији гардашлардан һеч дә фәргләнмирди. О да чәтинликләрлә, нараһатчылыгларла үзләшир, башгаларынын ону руһландырмасыны гијмәтләндирирди (2 Кор. 11:26-28). Һәбсдә олан Павелин Ромаја ҝәлдијини биләндә орадакы јығынҹағын мәсиһчиләриндән бә’зиләри 74 км узунлуғунда мәсафәни гәт едиб Аппиус базарына ҝәлдиләр! «Павел онлары ҝөрдүкдә Аллаһа шүкүр етди вә руһланды» (Һәв. иш. 28:15). Сән дә өз рајон нәзарәтчинизи руһландыра биләрсән. Онун башчәкмәсини һәвәслә дәстәкләјәрәк она ‘икигат һөрмәт’ ҝөстәр (1 Тим. 5:17). Сәнин үчүн етдикләринә ҝөрә үрәкдән миннәтдар олдуғуну һәм сөзләринлә, һәм дә әмәлләринлә билдир. Сәнин иманыны, мәһәббәт вә дөзүмүнү ҝөрмәк рајон нәзарәтчисини вә онун һәјат јолдашыны севиндирәҹәк (2 Салон. 1:3, 4).
5 Јашадығымыз ‘чәтин анларда’ кимин руһландырылмаға еһтијаҹы јохдур? (2 Тим. 3:1). Елә индидән рајон нәзарәтчиси илә хүсуси фәалијјәт һәфтәсиндә там иштирак етмәји гәрара ал. Һамымыз, һәм сәјјар нәзарәтчиләр, һәм дә тәблиғчиләр бир-биримизи гаршылыглы руһландыра биләрик. Белә етмәклә, биз һәм дә ‘бир-биримизә тәскинлик вериб, бир-биримизи инкишаф етдирәҹәјик’ (1 Салон. 5:11).
[Өјрәнилмә үчүн олан суаллар]
1. Сәјјар нәзарәтчиләрин башчәкмәләри һансы хүсуси имканлар јарадыр?
2. Рајон нәзарәтчисинин башчәкмәси нә үчүн габагҹадан е’лан едилир?
3. Рајон нәзарәтчисинин башчәкмәси заманы руһланмаг үчүн шәхсән нә едә биләрик?
4. Биз өз рајон нәзарәтчимизи неҹә руһландыра биләрик?
5. Нә үчүн һамымызын руһланмаға еһтијаҹы вар?