Јеһоваја нә верә биләрик?
1 Сәнҹә, инсанлар Јеһоваја нә исә верә биләрләрми? Һабил сүрүсүндән ән јахшы һејванлары Јеһоваја гурбан ҝәтирмишди, Нуһ вә Әјјуб да белә етмишдиләр (Јар. 4:4; 8:20; Әјј. 1:5). Әлбәттә, белә гурбанлар Јараданы һеч ҹүр зәнҝин етмир, чүнки онсуз да һәр шеј Она мәхсусдур. Лакин бу садиг инсанлар һәмин гурбанларла Аллаһа олан дәрин мәһәббәтләрини ҝөстәрмишләр. Бу ҝүн биз Јеһоваја «һәмд гурбаныны» тәгдим етмәк үчүн вахтымыздан, ҝүҹүмүздән вә вәсаитләримиздән истифадә едә биләрик (Ибр. 13:15).
2 Вахтымыз. Аз әһәмијјәтли ишләрә ҝедән вахтымызы хидмәтдә даһа чох иштирак етмәјә сәрф етмәјимиз неҹә дә тәрифәлајигдир! (Ефес. 5:15, 16). Ола билсин, илдә бир вә ја бир нечә ај көмәкчи пионер кими хидмәт етмәк үчүн графикимиздә дәјишиклик едә, јахуд да адәтән етдијимиздән бир аз чох хидмәт едә биләрик. Һәр һәфтә әлавә 30 дәгигә тәблиғ етмәклә хидмәтимизи ајда ән азы ики саат артырмыш оларыг.
3 Ҝүҹүмүз. Хидмәт етмәјә ҝүҹүмүз олсун дејә, бизи тагәтдән салан әјләнҹә вә ишдән гачмалыјыг ки, малик олдуғумуз ән јахшы шејләри Јеһоваја верә биләк. Биз, Аллаһа хидмәт етмәјә ҝүҹүмүзү алараг ‘гәддимизи әјә’ билән шејләр һагда һәддиндән артыг нараһат олмамалыјыг (Сүл. мәс. 12:25). Нараһатчылығымыза әсаслы сәбәб олса да, ‘гајғы јүкүмүзү’ Јеһоваја вермәјимиз неҹә дә јахшы оларды! (Мәз. 55:22; Филип. 4:6, 7).
4 Вәсаитләримиз. Тәблиғ ишини дәстәкләмәк үчүн вәсаитимиздән дә истифадә едә биләрик. Павел һәмиманлыларыны тәшвиг едирди ки, еһтијаҹы оланларла бөлүшмәк үчүн мүнтәзәм олараг ‘бир гәдәр пул сахласынлар’ (1 Кор. 16:1, 2). Јығынҹағымызын тәләбатлары вә үмумдүнја ишинә ианә етмәк үчүн биз дә мүәјјән мигдарда пул ајыра биләрик. Јеһова, мигдарындан асылы олмајараг, үрәкдән вердијимиз һәр шеји гијмәтләндирир (Лука 21:1-4).
5 Јеһова бизә чох шеј вериб (Јаг. 1:17). Вахтымызы, ҝүҹүмүзү вә вәсаитләримизи Она хидмәтә сәхавәтлә сәрф етмәклә миннәтдарлығымызы ҝөстәририк. Бизим белә етмәјимиз ‘ҝүләр үзлә верәни севән’ Јеһова Аллаһы севиндирир (2 Кор. 9:7).