Падшаһлығын әзиз тәблиғчиләри!

«Чадырынын јерини ҝенишләндир, мәскәнинин өртүкләрини узат, чәкинмә, ипләри узат, пајалары вур» (Јешаја 54:2). Әламәтдар һадисәләрлә зәнҝин олан 2008-ҹи хидмәт или ҝөстәрди ки, Јеһова «Јешаја» китабында тәсвир олундуғу кими, бизим ҝүнләрдә Өз тәшкилатынын теократик инкишафына һејрәтамиз шәкилдә хејир-дуа верир.

Бу инкишаф Рәһбәрлик Шурасынын 2008-ҹи ил мајын 1-дән етибарән Ҝүрҹүстандакы офисин ики өлкәдә: Азәрбајҹан вә Ҝүрҹүстанда тәблиғ ишинә рәһбәрлик едән филиал кими фәалијјәт ҝөстәрмәсинә иҹазә вермәсиндән ҝөрүнүр. Кечән ил бу ики өлкәдә ‘чадырын јери ҝенишләнәрәк’ узаг груп вә јығынҹагларын сајы әһәмијјәтли дәрәҹәдә артды. Бунунла әлагәдар олараг, 2008-ҹи ил јанварын 1-дән башлајараг, ејни вахтда ики јени теократик рајон фәалијјәт ҝөстәрмәјә башлады. Бу о демәкдир ки, инди Азәрбајҹан вә Ҝүрҹүстан әразисиндә үмуми һесабла 11 рајон фәалијјәт ҝөстәрир. Бүтүн бунлар Јеһованын хејир-дуасы, сизин мөһкәм иманыныз вә тәвазөкарлыгла хидмәти давам етдирмәјә һазыр олмағыныз сајәсиндә мүмкүн олмушдур (Сүл. мәс. 15:33; 1 Тим. 6:12). Буна ҝөрә дә, әзиз гардашлар, јени јарадылмыш јығынҹагларын гајғысына галмаг үчүн сизи нәзарәтчи мәсулијјәтинә ҹан атмаға тәшвиг едирик (1 Тим. 3:1).

Бундан башга, мүхтәлиф јерләрдә бир чох баҹы-гардашлар тәблиғ етмәк үчүн ил әрзиндә узаг әразиләрә ҝетмишләр. Бу, хүсусилә тәгдирәлајигдир, чүнки һәмин јерләрдә хош хәбәри һеч вахт ешитмәјән чохлу инсан јашајыр.

Ҝәлин хејирхаһ сәмави Атамызын Ондан горханлара һәлә чох хејир-дуалар һазырладығына һеч шүбһә етмәјәрәк, Јеһоваја садиг галмаға вә Онун ирадәсини јеринә јетирмәјә әзмли олаг! (Мәз. 31:19).

Сизин гардашларыныз, Ҝүрҹүстандакы филиал