Хидмәтини ҝенишләндирә биләрсәнми?
1. Тәблиғ хидмәтиндә тәҹили олараг нә етмәк лазымдыр вә нә үчүн?
1 Нә гәдәр чох инсанын Падшаһлыг һаггында хош хәбәрлә марагландығыны ҝөрдүкдә Иса шаҝирдләринә тапшырды ки, Өз мәһсулуну јығмаға ишчиләр ҝөндәрмәк үчүн мәһсулун Саһибинә јалварсынлар (Мат. 9:37, 38). Мәһсул јығымы мөвсүмүнүн сонунда јашадығымыз үчүн ишимиз һәмишә олдуғундан даһа тәҹилидир. Буна ҝөрә дә дуа едәрәк хидмәтимизи неҹә ҝенишләндирә биләҹәјимизи ҝөтүр-гој етмәлијик (Јәһ. 14:13, 14 ).
2. Хидмәтдә даһа чох иштирак етмәк чағырышына бәзиләри неҹә һај вермишләр?
2 Хидмәти ҝенишләндирмәјин үсуллары. Јеһованын рәһбәрлији вә көмәјилә бир чохлары пионер хидмәтинә башламаға мүвәффәг олмушлар (Мәз. 26:2, 3; Филип. 4:6). Бәзиләри ил әрзиндә бир вә ја бир нечә ај көмәкчи пионер кими хидмәт етмәк үчүн конкрет аддымлар атмышлар. Бу, хидмәтләрини ҝенишләндирмәләри үчүн чох ҝөзәл үсул олмушду. Бу хидмәтин ҝәтирдији севинҹ онлары даими пионер кими хидмәт етмәјә тәшвиг етмишдир (Һәв. иш. 20:35).
3. Әввәлләр пионер кими хидмәт етмисәнсә, инди нә һагда дүшүнә биләрсән?
3 Јенидән пионер кими хидмәт едә биләрсәнми? Әҝәр әввәлләр пионер кими хидмәт етмисәнсә, шүбһәсиз ки, о ҝүнләрин хатирәләри сәнә әзиздир. Дуа едәрәк јенидән пионер кими хидмәт етмәк һагда дүшүнүрсәнми? Бәлкә дә пионер хидмәтини дајандырмағына сәбәб олан вәзијјәт артыг арадан галхыб. Ола билсин, инди јенидән пионер хидмәтинә башламаг үчүн әлверишли вахтдыр (1 Јәһ. 5:14, 15).
4. Һәр биримизин гаршысында һансы надир имкан ачылыб?
4 Бичин иши вүсәт алыр вә тезликлә сона чатаҹаг (Јәһ. 4:35, 36). Ҝәлин һәр биримиз хидмәтимизи ҝенишләндирмәк үчүн һазыркы шәраитимизи нәзәрдән кечириб, ҝүндәлик ишләримиздә һансы дәјишиклији едә биләҹәјимизи ҝөтүр-гој едәк. Јахуд хидмәтимизи ҝенишләндирмәјин һеч ҹүр мүмкүн олмадығыны ҝөрүрүксә, даһа баҹарыглы тәблиғчи олмаға чалыша биләрикми? (Марк 12:41-44). Шәраитимизи ујғунлашдырараг бу надир фәалијјәт нөвүндә Јеһованын биздән истифадә етмәсинә јол вермәк неҹә дә бөјүк шәрәфдир! (Мәз. 110:3).