Өјрәтдијиниз инсанлар үчүн ‘ҹанынызы верин’
1. Мүгәддәс Китабы өјрәнәнләрә көмәк етмәк үчүн нә тәләб олунур?
1 Өјрәтдијимиз инсанын өз һәјатыны Јеһоваја һәср етмәсини истәјириксә, онунла мүнтәзәм Мүгәддәс Китаб өјрәнмәси кечирмәкдән даһа чох шеј етмәлијик. Һәвари Павел өјрәтдији инсанлара мүнасибәтини нәвазишли ананын өз көрпәсини әзизләмәсинә бәнзәтмишди. Биз дә өјрәтдијимиз инсанлара руһән бөјүмәкдә көмәк етмәк үчүн ‘ҹанымызы’ севә-севә вермәјә һазырыг (1 Салон. 2:7-9).
2. Нә үчүн өјрәнәнә шәхси мараг ҝөстәрмәлијик вә буну неҹә етмәк олар?
2 Шәхси мараг ҝөстәр. Мүгәддәс Китабы өјрәнән шәхс өјрәндикләрини тәтбиг етмәјә башлајанда виҹданы ону Аллаһын нормаларына ујғун јашамајан инсанларла сых мүнасибәтләри кәсмәјә тәшвиг едәҹәк (1 Пет. 4:4). Һәтта ола биләр ки, аиләси ондан имтина етсин (Мат. 10:34-36). Она шәхси мараг ҝөстәрәрәк ичиндәки емосионал бошлуғу долдурмаға көмәк едә биләрик. Бир тәҹрүбәли миссионер мәсләһәт ҝөрүр: «Өјрәнмәни гуртаран кими ҝетмәјә тәләсмәјин. Мүмкүндүрсә, галыб бир аз сөһбәт един». Өјрәтдијин инсана әмәлдә көмәк етмәјә һазыр ол. Мәсәлән, хәстәләнәрсә, она зәнҝ едә вә ја јанына ҝедә биләрсәнми? Јығынҹаг ҝөрүшүндә өјрәнәнин јанында отура вә ушағыны сахламаға көмәк едә биләрсәнми?
3. Өјрәнәнин јығынҹагдан фајдаланмасы үчүн нә едә биләрик?
3 Јығынҹағын көмәји. Өјрәтдијин адамын евинә јахын әразидә хидмәт едән заман, нәјә ҝөрә әмәкдашыны онунла таныш етмәк үчүн јолүстү она баш чәкмәјәсән? Мүнасиб оланда, вахташыры ајры-ајры тәблиғчиләри, һабелә ағсаггаллары өјрәнмәдә сәнинлә әмәкдашлыг етмәјә дәвәт ет. Һәмчинин өјрәнмәни башлајандан тез сонра өјрәнәни Падшаһлыг Залында кечирилән ҝөрүшләрә ҝәлмәјә тәшвиг ет. Бу она имкан верәҹәк ки, ҝәләҹәкдә руһани аиләси ола биләҹәк јығынҹаг үзвләри илә руһландырыҹы үнсијјәтдән севинҹ дујсун (Марк 10:29, 30; Ибр. 10:24, 25).
4. Ҝөстәрдијимиз ҹәһдләр һансы хејир-дуалары ҝәтирә биләр?
4 Ушағынын руһани инсан олмасы үчүн әлиндән ҝәләни едән валидејн өвладынын Јеһованын тәрәфини тутдуғуну вә һәгигәт јолунда јеридијини ҝөрәндә севинҹи јерә-ҝөјә сығмыр (3 Јәһ. 4). Мүгәддәс Китабы өјрәтдијимиз инсанлара көмәк етмәк үчүн ҹанымызы версәк, биз дә ејни севинҹи јашаја биләрик.