Инандырыҹы шәкилдә өјрәт
1. Хидмәтдә Аллаһын Кәламындан сәмәрәли шәкилдә истифадә етмәк әсасән өзүнә нәји дахил едир?
1 Мәһарәтли тәблиғчи Павел кими баша дүшүр ки, ‘һәгигәт сөзүнү доғрулугла өјрәтмәк’ өзүнә Мүгәддәс Китабдан ситат ҝәтирмәкдән даһа чох шеји дахил едир (2 Тим. 2:15). Хидмәтдә Аллаһын Кәламындан истифадә едәркән инандырыҹы тәрздә неҹә өјрәдә биләрик? (Һәв. иш. 28:23).
2. Инсанларын Аллаһын Кәламына даһа чох һөрмәт етмәсинә неҹә көмәк едә биләрик?
2 Гој Аллаһын Кәламы данышсын. Илк нөвбәдә, диггәти Мүгәддәс Китаба елә јөнәлт ки, динләјиҹиләр орада Аллаһын мүдриклијинин олдуғуну һөрмәтлә гәбул етсинләр. Аллаһын Кәламына олан етибарымыз бизи динләјәнләри охудуғумуз ајәләрә даһа чох диггәт јетирмәјә тәшвиг едә биләр (Ибр. 4:12). Биз садәҹә олараг дејә биләрик: «Мән буна даир Аллаһын нә дедијини өјрәнмәјин фајдалы олдуғуна шәхсән өзүм әмин олмушам. Зәһмәт олмаса, Онун Кәламында нә дејилдијинә диггәт јетирин». Имкан јаранан кими бирбаша Мүгәддәс Китаба мүраҹиәт едәрәк онун данышмасына јол вер.
3. Ајәни охудугдан сонра бизи динләјән инсанын ону баша дүшмәси үчүн нә едә биләрик?
3 Сонра охудуғун ајәни изаһ ет. Илк дәфә охунан ајәләри баша дүшмәк бәзи инсанлар үчүн чәтиндир. Чох вахт биз ајәнин мүзакирә олунан мөвзу илә неҹә бағлы олдуғуну изаһ едирик (Лука 24:26, 27). Әсас фикирләри вурғула. Суал вермәк сәнә динләјиҹинин бу ајәни ајдын баша дүшүб-дүшмәдијини ајырд етмәјә көмәк едәҹәк (Сүл. мәс. 20:5; Һәв. иш. 8:30).
4. Инандырыҹы тәрздә өјрәтмәк үчүн сонунҹу ваҹиб олан аддым һансыдыр?
4 Мүгәддәс Јазылар әсасында мүлаһизә јүрүт. Даһа сонра, онун зеһнинә вә үрәјинә јол тапмаға чалыш. Тәблиғ етдијин адама ајәнин шәхсән она һансы аидијјәти олдуғуну ҝөрмәјә көмәк ет. Мүгәддәс Китаб әсасында мүлаһизә јүрүтмәк инсаны дүшүнҹә тәрзини дәјишмәјә сөвг едә биләр (Һәв. иш. 17:2—4; 19:8). Мисал үчүн, Јешаја 42:8 (КМ) ајәсини охудугдан сонра киминсә адыны билмәјин онунла мүнасибәтләр гурмагда әсас амил олдуғуну дејә биләрик. Сонра исә соруша биләрсән: «Неҹә фикирләширсиниз, Аллаһын адыны билмәк дуаларымызы даһа долғун едә биләрми?» Ајәни тәблиғ етдијимиз инсанын шәхси һәјаты илә бу ҹүр әлагәләндирмәк онун практики фајдасыны ҝөстәрир. Аллаһын Кәламы васитәсилә белә инандырыҹы тәрздә өјрәтмәк сәмими-гәлбли инсанлары һәгиги вә јашајан Аллаһа, Јеһоваја ибадәт етмәјә тәшвиг едәҹәк (Јер. 10:10).