«Мүгәддәс Китаб — һәјатымызы дәјишән гүввә»
Мүгәддәс Китаб милјонларла инсана һәјатыны јахшылыға доғру дәјишмәјә көмәк етмишдир. Буҝүнкү проблемләрин өһдәсиндән ҝәлмәкдә көмәк едән Мүгәддәс Китаб принсипләриндән бәзиләри һансылардыр? Шүбһәсиз, сиз үч филмдән ибарәт олан «Мүгәддәс Китаб — фактлар вә пејғәмбәрликләр китабы» DVD-дән «Мүгәддәс Китаб — һәјатымызы дәјишән гүввә» адлы икинҹи филмә бахдыгдан сонра бу суаллара ҹаваб тапмаға шад олаҹагсыныз. Бу филмә бахдыгдан сонра нөвбәти суаллара ҹаваб верә биләрсинизми?
1) Нәјә ҝөрә дејә биләрик ки, Мүгәддәс Китаб садәҹә бәдии шаһ әсәр дејил? (Ибр. 4:12). 2) Әҝәр Мүгәддәс Китаб инсанларын һәјатыны јахшылашдырмаға гадирдирсә, онда нәјә ҝөрә бәшәријјәт проблемләрлә долудур? 3) Мүгәддәс Китабын әсас мөвзусу нәдир? 4) Филмдә хатырланан һансы Мүгәддәс Китаб ајәләри әр-арвадлара а) үнсијјәтләрини јахшылашдырмаға вә б) гәзәбләрини ҹиловламаға көмәк едә биләр? 5) Никаһа мәсиһчи нөгтеји-нәзәри илә бахмаг аилә һәјатыны јахшылашдырмаға неҹә көмәк едир? (Ефес. 5:28, 29). 6) Јеһова валидејнләрә һансы мүкәммәл нүмунәни гојуб? (Марк 1:9—11). 7) Валидејнләр аиләви өјрәнмәни неҹә мараглы едә биләрләр? 8) Мүгәддәс Китаб өјрәнмәсиндән әлавә Аллаһын Кәламы валидејнләри ушагларыны даһа нә илә тәмин етмәјә тәшвиг едир? 9) Мүгәддәс Китаб мәсләһәтләри аиләләрә мадди чәтинликләрин өһдәсиндән ҝәлмәјә неҹә көмәк едир? 10) Тәмизлијә, наркотикләрин вә спиртли ичкиләрин суи-истифадәсинә вә стрессә даир Мүгәддәс Китабын һансы принсипләри тәтбиг едилдикдә сағламлыгла бағлы проблемләри азалтмаға көмәк едир? 11) Һансы Мүгәддәс Китаб вәдләри бизә тәһәммүл ҝөстәрмәјә көмәк едир? (Әјј. 33:25; Мәз. 145:16). 12) Аллаһын Кәламынын һансы тәлимләри шәхсән сәнин һәјатыны дәјишмишдир? 13) Сән бу филмин көмәјилә башгаларына неҹә көмәк едә биләрсән?