Иманына шәрик олмајан һәјат јолдашынын үрәјинә неҹә јол тапмаг олар?
1. Нәјә ҝөрә јығынҹаг мәсиһчиләрин иманына шәрик олмајан һәјат јолдашларынын һәгигәти гәбул етмәләринә көмәк етмәк истәјир?
1 Јығынҹағынызда һәјат јолдашы мәсиһчи олмајан баҹы-гардашлар вармы? Әҝәр варса, шүбһәсиз, онлар һәјат јолдашларынын һәгиги ибадәтдә онлара гошулмасыны чох истәјирләр. Јалныз онлар јох, бүтүн јығынҹаг Аллаһын арзусуну әкс етдирәрәк ‘һәр ҹүр инсанын хилас олуб һәгигәт барәсиндә дәгиг билијә јијәләнмәсини’ истәјир (1 Тим. 2:4). Мәсиһчи олмајан һәјат јолдашларынын үрәјинә неҹә јол тапмаг олар?
2. Мәсиһчиләрин һәгигәтдә олмајан һәјат јолдашларына көмәк етмәк үчүн анлајышлы олмағымыз бизә неҹә көмәк едәҹәк?
2 Илк нөвбәдә, биз һәр шејә һәмин адамын ҝөзү илә бахмаға чалышмалыјыг. Мәсиһчи олмајан бир чох һәјат јолдашлары аиләләрини севир, јахшы һәјат јолдашы вә валидејн олмаға чалышырлар, анҹаг онларын өзләринин сәмими-гәлбдән инандыглары вә бизимкиндән фәргләнән дини етигадлары вар. Ола билсин, онларын Јеһованын Шаһидләри илә танышлығы олмајан вә ја јанлыш мәлуматы олан дост-танышларынын дедикләриндән савајы, бизим һаггымызда һеч бир мәлуматы јохдур. Бәзиләри исә ҝилеј-ҝүзар едирләр ки, һәјат јолдашлары әввәлләр аиләләри илә кечирдикләри вахтларыны инди ибадәтә сәрф едирләр. Анлајышлы олмағымыз бизә онларла хејирхаһ вә һөрмәтҹил тәрздә давранмаға вә онларын јанында оланда һәддән артыг нараһат олмамаға көмәк едәҹәк (Сүл. мәс. 16:20—23).
3. Баҹы-гардашларымызын һәгигәтдә олмајан һәјат јолдашларынын үрәјинә јол тапмағын ән јахшы үсулу нәдир?
3 Мараг ҝөстәр. Һәмиманлыларымызын мәсиһчи олмајан һәјат јолдашларынын үрәјинә, илк нөвбәдә, Мүгәддәс Китаб һаггында данышмагла јох, өз һәрәкәтләримизлә јол тапа биләрик (1 Пет. 3:1, 2). Бу заман инсана шәхси мараг ҝөстәрмәк чох ваҹибдир. Баҹылар гардашларын мәсиһчи олмајан јолдашларына, гардашлар исә баҹыларын иманларына шәрик олмајан әрләринә мараг ҝөстәрә биләрләр. Онлар буну неҹә едә биләрләр?
4. Биз башгаларына неҹә шәхси мараг ҝөстәрә биләрик?
4 Әҝәр сиз һәлә дә баҹы-гардашларын һәјат јолдашларындан һеч кимлә таныш дејилсинизсә, буну мәсиһчи һәјат јолдашы илә мәсләһәтләшдикдән сонра едә биләрсиниз. Әҝәр һәмин адам сизин бу ҹәһдинизә лагејдлик ҝөстәрәрсә, руһдан дүшмәјин. Ола билсин, бизим меһрибан олмағымыз вә шәхси мараг ҝөстәрмәјимизин сајәсиндә о, Јеһованын Шаһидләринә даһа хејирхаһ мүнасибәт бәсләмәјә башлајаҹаг (Ром. 12:20). Бәзи јеткин мәсиһчиләр белә адамы аиләси илә бирликдә наһара дәвәт едирләр ки, онунла јахындан таныш олсунлар вә онда јаранмыш јанлыш тәсәввүрләри арадан галдырсынлар. Онлар сырф руһани мөвзулар һагда сөһбәт етмәк әвәзинә, ону марагландыран шејләр барәдә данышырлар. Инсан өзүнү даһа раһат һисс етдикдән сонра исә, ола билсин, Мүгәддәс Китаб һаггында сөһбәт етмәк јериндә оларды. Бәлкә, о, һәјат јолдашынын нә өјрәндијини өз ҝөзләрилә ҝөрмәк, үстәлик, артыг јығынҹағын бәзи үзвләрини таныдығы үчүн ҝөрүшләримиздән биринә ҝәлмәк дәвәтини гәбул едәҹәк. Һәгигәти өјрәнмәк истәмәсә дә, һәјат јолдашына дәстәк олдуғу үчүн о, тәрифә лајигдир.
5. Ағсаггаллар һәмиманлыларын мәсиһчи олмајан һәјат јолдашларынын үрәјинә неҹә јол тапа биләрләр?
5 Хүсусилә дә ағсаггаллар һәмиманлыларын иманларына шәрик олмајан һәјат јолдашларынын үрәјинә јол тапмаға вә шаһидлик вермәк үчүн имканлар ахтармаға чалышмалыдырлар. Онлар руһани мөвзулара мараг ҝөстәрмәсәләр дә, хәстәханаја дүшәндә вә ја сағламлыглары илә бағлы ҹидди проблемләрлә үзләшәндә Мүгәддәс Китабдан верилән тәсәллијә гулаг асмаға мејилли ола биләрләр. Дини ҹәһәтдән бөлүнмүш аиләләр әзизләриндән кимисә итирәндә вә ја һансыса ҝәрҝинликләр јашананда аиләјә тәсәлли вермәк үчүн баш чәкән заман ағсаггаллар мәсиһчи олмајан һәјат јолдашына да онларла отурмағы тәклиф едә биләрләр.
6 Мәсиһчи олмајан һәјат јолдашлары хош хәбәрә һај вериб һәгигәтә ҝәләндә баҹы-гардашларымызын дујаҹаглары севинҹи бир тәсәввүр един! Бу ҹүр ҝөзәл һадисәнин баш вермәси һәмчинин Јеһоваја, мәләкләрә вә еләҹә дә бүтүн јығынҹаға севинҹ бәхш едир (Лука 15:7, 10). Лакин мәсиһчи олмајан инсанлар башланғыҹда һәгигәтә һај вермәсәләр дә, биз јенә дә севинә биләрик ки, сәј ҝөстәрмәјә давам етмәјимиз ‘һеч кәсин мәһв олмасыны истәмәјән, әксинә, һамынын төвбәјә ҝәлмәсини арзулајан’ Јеһоваја хошдур (2 Пет. 3:9).
6. Мәсиһчи олмајан һәјат јолдашларынын үрәјинә јол тапмаг нә үчүн ваҹибдир?
[6-ҹы сәһифәдәки јазы]
Һәмиманлыларымызын мәсиһчи олмајан һәјат јолдашларынын үрәјинә, илк нөвбәдә, Мүгәддәс Китаб һаггында данышмагла јох, өз һәрәкәтләримизлә јол тапа биләрик