«Шәфгәтли» олун
1. Бу ҝүн инсанлар нәјә еһтијаҹ дујурлар?
1 Бәшәр тарихиндә һеч вахт инсанларын бу гәдәр чох шәфгәтә вә көмәјә еһтијаҹы олмамышдыр. Ҝетдикҹә писләшән бу дүнјада мәјуслуг, депрессија вә үмидсизлик кими һиссләр ҝениш вүсәт алыр. Милјонларла инсан көмәјә мөһтаҹдыр вә бир мәсиһчи кими јахынларымыза сәмими гајғы ҝөстәрмәк бизим борҹумуздур (Мат. 22:39; Галат. 6:10). Бәс биз буну неҹә едә биләрик?
2. Јахынларымыза неҹә шәфгәт тәзаһүр етдирә биләрик?
2 Шәфгәт тәзаһүр етдиририк. Әҝәр тәсәлли Аллаһдан дејилсә, о, һәгиги вә давамлы ола билмәз (2 Кор. 1:3, 4). Мәһәббәтдән ирәли ҝәләрәк Јеһова бизи «шәфгәтли» олмаға тәшвиг едир вә јахынларымыза баш чәкәрәк Падшаһлыг һаггында хош хәбәри чатдырмағы һәвалә едир (1 Пет. 3:8). Гәлби сыныг оланлара тәсәлли вермәјин ән јахшы үсулу бу ишдә фәал иштирак етмәкдир, чүнки Аллаһын Падшаһлығы әзаб-әзијјәт ичиндә олан бәшәријјәтин јеҝанә үмид јеридир (Јешаја 61:1). Јеһова Өз халгыны севдији үчүн тезликлә бүтүн писликләри арадан галдыраҹаг вә салеһлик һөкм сүрәҹәк јени дүнја гураҹаг (2 Пет. 3:13).
3. Инсанлара мүнасибәтимиздә Исанын дүшүнҹә тәрзини неҹә әкс етдирә биләрик?
3 Инсанлара Исанын ҝөзү илә бах. Һәтта бөјүк издиһама тәблиғ едәндә белә, Иса гаршысындакы инсанлара садәҹә бир күтлә кими јанашмырды. О, онларын һәр биринә руһани тәләбатлары олан фәрди шәхс кими јанашырды. Онлар чобансыз гојун кими идиләр. Ҝөрдүкләри Исаја ҝүҹлү тәсир етди вә бу, ону инсанлары сәбирлә өјрәтмәјә тәшвиг етди (Марк 6:34). Инсанлара Исанын ҝөзү илә бахмағымыз бизи онлара сәмими шәфгәт ҝөстәрмәјә тәшвиг едәҹәк. Бу, сәсимизин тонунда вә үзүмүзүн ифадәләриндә әкс олунаҹаг. Тәблиғ етмәји өзүмүзә бөјүк бир шәрәф санаҹаг вә сөзләримизи һәр бир инсанын вәзијјәтинә ујғунлашдырмаға чалышаҹағыг (1 Кор. 9:19—23).
4. Нәјә ҝөрә биз шәфгәти ҝејинмәлијик?
4 Бүтүн милләтләрдән олан бөјүк издиһам Падшаһлыг һагда хош хәбәрә һај верир вә биз онлара сәмими мараг ҝөстәрәндә бу, онлары тәравәтләндирир. Биз шәфгәти ҝејинмәклә шәфгәтли Јеһова Аллаһымызы иззәтләндирәҹәк вә мәмнун едәҹәјик (Колос. 3:12).