Јеһованын тәгдим етдикләриндән там фајдаланырсанмы? — Ҝөзәтчи гүлләсинин ОНЛАЈН КИТАБХАНАСЫ

Јеһованын тәгдим етдикләриндән там фајдаланырсанмы?

1. Јеһова тәлим алмаг мәсәләсинә неҹә бахыр?

¹ Даһи Нәсиһәтчимиз Јеһова бизим тәлим алмағымызы истәјир (Јешаја 30:20). О, илкин Оғлуну јаратдыгдан сонра өјрәтмәк ишинә башлады (Јәһ. 8:28). Адәмин үсјанындан сонра Јеһова өјрәтмәјә сон гојмады, әксинә, гејри-камил инсанлара мәһәббәтлә рәһбәрлик тәгдим етмәјә давам етди (Јешаја 48:17, 18; 2 Тим. 3:14, 15).

2. Һал-һазырда һансы тәлим програмы кечирилир?

² Бу ҝүн Јеһова тарихдә ән бөјүк тәлим програмы кечирир. Јешајанын пејғәмбәрлик етдији кими, бүтүн дүнјада милјонларла инсанлар «Рәббин еви олан дағ»а ахышыр (Јешаја 2:2). Бу нә үчүн лазымдыр? Аллаһын јолларыны өјрәнмәк үчүн, бәли, Јеһованын бизи өјрәтмәси үчүн! (Јешаја 2:3). 2010-ҹу хидмәт илиндә Јеһованын Шаһидләри шаһидлик етмәк вә Мүгәддәс Китаб һәгигәтләрини инсанлара өјрәтмәк ишинә 1,6 милјарддан чох саат сәрф етмишләр. Үстәлик, бүтүн дүнјада 105 000-дән чох јығынҹагларда һәр һәфтә руһани нәсиһәтләр верилир вә садиг вә ағыллы нөкәрин һазырладығы маарифләндириҹи мәсиһчи нәшрләри 500-дән чох дилдә чап олунур.

3. Јеһованын тәгдим етдији тәлимдән шәхсән һансы фајданы әлдә едирсән?

³ Там фајда әлдә ет. Аллаһын вердији тәлим бизә бөјүк фајда ҝәтирир! Биз өјрәндик ки, Аллаһын ады вар вә О, бизим гајғымыза галыр (Јешаја 42:8, КМ; 1 Пет. 5:6, 7). Һәмчинин һәјати ваҹиб суалларын ҹавабыны өјрәндик: инсанлар нәјә ҝөрә әзаб чәкир вә өлүрләр? Әсил хошбәхтлији неҹә тапмаг олар? Һәјатын мәнасы нәдәдир? Јеһова әхлаг мәсәләләриндә дә рәһбәрлик тәгдим едир ки, јолларымыз уғурлу олсун (Јешуа 1:8).

4. Аллаһын хидмәтчиләринин һансы тәһсили алмаг имканлары вар вә нәјә ҝөрә Јеһовадан өјрәнмәк үчүн әлимиздән ҝәләни етмәлијик?

⁴ Бундан әлавә, хидмәтләрини ҝенишләндирмәк үчүн Јеһова бир чох хидмәтчиләринә хүсуси тәлим верир. 4—6 сәһифәләрдә бу мәгсәдә хидмәт едән мәктәбләрин сијаһысы ҝәтирилир. Һәтта әҝәр шәраитимиз бу сијаһыда ҝәтирилән мәктәбләри кечмәјә јол вермирсә, бизим үчүн әлчатан олан руһани тәһсилдән там фајдаланырыгмы? Чох вахт мәктәб мүәллимләри вә башгалары тәрәфиндән али тәһсил алмаға јөнәлдилән ҝәнҹләри руһани мәгсәдләр гојмаға вә ән али тәһсилә — Аллаһын вердији тәһсилә ҹан атмаға тәшвиг едирикми? Јеһованын тәгдим етдији тәлимләрдән там фајдаланмағымыз инди вә ҝәләҹәкдә әбәди һәјатда хошбәхт өмүр сүрмәјимизә көмәк едәҹәк (Мәз. 119:105; Јәһ. 17:3).

Јеһованын Өз тәшкилаты васитәсилә вердији тәһсил

Савадландырма курслары

• Мәгсәд: инсанлара Мүгәддәс Китабы шәхсән охујуб арашдырмаға вә башгаларына һәгигәти өјрәтмәјә көмәк етмәк үчүн охумағы вә јазмағы өјрәтмәк.

• Кечирилмә мүддәти: лазыми гәдәр.

• Кечирилдији јер: јерли Падшаһлыг Залы.

• Кимләр тәлим кечир: бүтүн тәблиғчиләр вә мараглананлар.

• Һәјата кечирилмә гајдасы: јығынҹаг ағсаггаллары јерли тәләбата ҝөрә савадландырма курслары тәшкил едир вә фајда әлдә едә биләҹәк һәр кәси дәвәт едирләр.

Теократик Хидмәт Мәктәби

• Мәгсәд: тәблиғчиләри еффектив вә хош хәбәрин мүәллимләри олмаға һазырламаг.

• Кечирилмә мүддәти: давамлы.

• Кечирилдији јер: јерли Падшаһлыг Залы.

• Кимләр јазыла биләр: бүтүн тәблиғчиләр. Һәмчинин јығынҹагла фәал сурәтдә тәмасда олан, Мүгәддәс Китабын тәлимләри илә разылашан вә мәсиһчи принсипләринә ујғун јашајан диҝәрләри.

• Һәјата кечирилмә гајдасы: Теократик Хидмәт Мәктәбинин нәзарәтчисинә мүраҹиәт етмәк.

Хариҹи дил курслары

• Мәгсәд: тәблиғчиләрә башга дилдә хош хәбәри тәблиғ етмәји өјрәтмәк.

• Кечирилмә мүддәти: дөрд вә ја беш ај. Курслар, адәтән, шәнбә ҝүнләри сәһәрләр бир-ики саат әрзиндә кечирилир.

• Кечирилдији јер: адәтән, јахынлыгда јерләшән Падшаһлыг Залы.

• Кимләр јазыла биләр: јығынҹагда јахшы ад газанмыш вә әҹнәбидилли әразидә тәблиғ етмәк истәјән тәблиғчиләр.

• Һәјата кечирилмә гајдасы: курслар тәләбата ујғун олараг филиал тәрәфиндән тәшкил олунур.

Падшаһлыг Залларынын тикинтиси

• Мәгсәд: Падшаһлыг Заллары тикмәк вә онлары тәмир етмәк. Бу, мәктәб дејил, анҹаг бу програм заманы көнүллүләр мүхтәлиф баҹарыглара јијәләнирләр ки, тикинти пројектләриндә көмәк едә билсинләр.

• Кечирилмә мүддәти: көнүллүләрин шәраитләринә ујғун олараг.

• Кечирилдији јер: Реҝионал тикинти комитәсинин нәздиндә олан әразинин вә ја Мәһдуд ресурслу өлкәләрдә Падшаһлыг Залларынын тикинтиси програмынын фәалијјәт ҝөстәрдији һәр јердә. Бәзи көнүллүләр узаг әразиләрдә тәбии фәлакәтләрдән әзијјәт чәкәнләрә көмәк етмәјә дәвәт олуна биләрләр.

• Тәләб: вәфтиз олунмуш баҹы вә ја гардаш ағсаггаллар шурасы тәрәфиндән төвсијә олунмалыдыр. Онларын бу саһәдә һәр һансы тәҹрүбәләринин олуб-олмамасы ваҹиб дејил.

• Һәјата кечирилмә гајдасы: «Падшаһлыг Залларынын тикинтисиндә мүвәггәти олараг иштирак етмәк үчүн көнүллүнүн анкети» (S-82) вә јахуд мәһдуд ресурслу өлкәләр үчүн «Падшаһлыг Залларынын тикинтиси програмында иштирак едән көнүллүләрин әризәси» (А-25) бланкыны долдурмаг лазымдыр. Ону јерли ағсаггаллардан алмаг олар.

Пионер Хидмәти Мәктәби

• Мәгсәд: пионерләрә хидмәтләрини там јеринә јетирмәјә көмәк етмәк (2 Тим. 4:5).

• Кечирилмә мүддәти: ики һәфтә.

• Кечирилдији јер: филиал тәрәфиндән мүәјјән олунур; адәтән, јахынлыгда јерләшән Падшаһлыг Залы.

• Тәләб: ән азы бир ил даими пионер кими хидмәт едән баҹы вә гардашлар.

• Неҹә јазылмаг олар: бир ил пионер кими хидмәт едәнләр автоматик олараг сијаһыја дахил едилирләр вә бу барәдә онлара рајон нәзарәтчиси хәбәр верир.

Јени Бет-Еллиләр үчүн Мәктәб

• Мәгсәд: бу мәктәб јени бет-еллиләрә хидмәтләрини сәмәрәли јеринә јетирмәјә көмәк едир.

• Кечирилмә мүддәти: он алты һәфтә әрзиндә һәфтәдә бир дәфә, бир саат.

• Кечирилдији јер: Бет-Ел.

• Тәләб: Бет-Ел аиләсинин даими үзвү вә ја узунмүддәтли мүвәггәти көнүллү (бир ил вә ја даһа чох) олмаг лазымдыр.

• Неҹә јазылмаг олар: јухарыда садаланан тәләбләрә мүвафиг ҝәлән Бет-Ел аиләсинин үзвләри автомотик олараг бу мәктәбә дүшүрләр.

Падшаһлыг Хидмәти Мәктәби

• Мәгсәд: ағсаггаллары вә хидмәти көмәкчиләри тәшкилатын мәсулијјәтләрини јеринә јетирмәјә вә нәзарәт етмәјә һазырламаг (Һәв. иш. 20:28). Бу мәктәб Рәһбәрлик Шурасынын гәрары илә бир нечә илдән бир кечирилир.

• Кечирилмә мүддәти: сон бир нечә илдир ки, бу мәктәб ағсаггаллар үчүн бир ҝүн јарым, хидмәти көмәкчиләр үчүн исә бир ҝүн кечирилир.

• Кечирилдији јер: адәтән, јахынлыгда јерләшән Падшаһлыг вә ја Конгрес Залы.

• Тәләб: гардаш ағсаггал вә ја хидмәти көмәкчи олмалыдыр.

• Неҹә јазылмаг олар: тәләбләрә ҹаваб верән ағсаггалы вә ја хидмәти көмәкчини рајон нәзарәтчиси дәвәт едир.

Јығынҹаг Ағсаггаллары үчүн Мәктәб*

• Мәгсәд: ағсаггаллара јығынҹагдакы мәсулијјәтләринин өһдәсиндән ҝәлмәјә көмәк етмәк.

• Кечирилмә мүддәти: беш ҝүн.

• Кечирилдији јер: филиал гәрар верир; адәтән, јахынлыгда јерләшән Падшаһлыг вә ја Конгрес Залы.

• Тәләб: гардаш ағсаггал олмалыдыр.

• Неҹә јазылмаг олар: тәләбләрә мүвафиг олан ағсаггалы филиал дәвәт едир.

Сәјјар Нәзарәтчиләр вә Һәјат Јолдашлары үчүн Мәктәб*

• Мәгсәд: рајон вә вилајәт нәзарәтчиләринә јығынҹаглара даһа сәмәрәли хидмәт етмәјә, Аллаһын сөзүнү ҹанла-башла данышмаға вә өјрәтмәјә, еләҹә дә онлара әманәт олунан сүрүнү отармаға көмәк етмәк (1 Тим. 5:17; 1 Пет. 5:2, 3).

• Кечирилмә мүддәти: ики ај.

• Кечирилдији јер: филиал гәрар верир.

• Тәләб: гардашлар рајон вә ја вилајәт нәзарәтчиси олмалыдырлар.

• Неҹә јазылмаг олар: тәләбләрә ҹаваб верән сәјјар нәзарәтчиләр вә онларын арвадлары филиал тәрәфиндән дәвәт олунурлар.

Субај Гардашлар үчүн Мүгәддәс Китаб Мәктәби*

• Мәгсәд: субај ағсаггаллары вә хидмәти көмәкчиләри әлавә мәсулијјәтләрә һазырламаг. Мәзунларын әксәријјәти өз өлкәләриндә тәләбат олан јерләрә тәјин олунурлар. Әҝәр һазырлыг руһу ҝөстәрәрләрсә, јалныз бәзиләри башга өлкәләрә тәјин олуна биләрләр.

• Кечирилмә мүддәти: ики ај.

• Кечирилдији јер: филиал гәрар верир; адәтән, Конгрес вә ја Падшаһлыг Залы.

• Тәләб: јахшы сағламлығы олан, баҹы-гардашлара вә тәлабат олан јерләрдә Падшаһлығын марагларына хидмәт етмәк истәјән 23—62 јашларында субај гардашлар (Марк 10:29, 30). Онлар ән азы ики ил фасиләсиз хидмәти көмәкчи вә ја ағсаггал олмалыдырлар.

• Неҹә јазылмаг олар: әҝәр бу мәктәб сизин филиалын әразисиндә кечирилирсә, истәји оланлар үчүн ҝөрүш рајон конгресиндә кечирилир. Әлавә мәлуматы ҝөрүшдә алмаг олар.

Мәсиһчи Әр-арвадлар үчүн Мүгәддәс Китаб Мәктәби*

• Мәгсәд: евли ҹүтлүкләрә Јеһова вә тәшкилатынын онлардан там мәнада истифадә едә билмәси үчүн хүсуси һазырлыг кечмәк.

• Кечирилмә мүддәти: ики ај.

• Кечирилдији јер: илк бир нечә синиф артыг Ҝөзәтчи Гүлләсинин Патерсондакы (Нју-Јорк, АБШ) Тәлим Мәркәзиндә кечирилир. Сонра бу мәктәб филиал тәрәфиндән тәјин олунан јерләрдә кечириләҹәк, адәтән, бу, Конгрес вә ја Падшаһлыг Залында олур.

• Тәләб: тәләбат олан әразидә хидмәт етмәк үчүн сағламлығы вә шәраити јол верән, еләҹә дә «Мән бурадајам. Мәни ҝөндәр» әһвал-руһијјәси әкс етдирән 25—50 јашларында евли ҹүтлүкләр (Јешаја 6:8). Бундан әлавә, онлар ән азы ики ил евли олмалы вә фасиләсиз ики ил таммүддәтли хидмәтдә олмалыдырлар.

Ҝөзәтчи Гүлләсинин Мүгәддәс Китаб Мәктәби Ҝилеад

• Мәгсәд: пионерләри вә диҝәр таммүддәтли хидмәтчиләри миссионер хидмәтинә һазырламаг.

• Кечирилмә мүддәти: беш ај.

• Кечирилдији јер: Ҝөзәтчи Гүлләсинин Патерсондакы (Нју–Јорк, АБШ) Тәлим Мәркәзи.

• Тәләб: евли ҹүтлүкләр үч ил вәфтиз олунмуш олмалы вә илк дәфә әризә јазанда 21—38 јашларында олмалыдырлар. Онлар инҝилис дилини билмәли, ән азы ики ил евли олмалы вә фасиләсиз ики ил таммүдәтли хидмәт етмәлидирләр; јахшы сағламлыглары олмалыдыр. Әҝәр тәләбләрә ҹаваб верирләрсә, хариҹи өлкәдә пионер кими хидмәт едәнләр (о ҹүмләдән миссионер статусу оланлар), сәјјар нәзарәтчиләр, Бет-Ел аиләсинин үзвләри вә Хидмәти Тәкмилләшдирмә Мәктәбинин, Субај Гардашлар үчүн Мүгәддәс Китаб Мәктәбинин вә Мәсиһчи Әр-арвадлар үчүн Мүгәддәс Китаб Мәктәбинин мәзунлары да әризә долдура биләрләр.

• Неҹә јазылмаг олар: бәзи филиалларда бу мәктәблә мараглананларла ҝөрүш вилајәт конгресиндә кечирилир. Әлавә мәлуматлары ҝөрүш заманы алмаг олар. Әҝәр сизин өлкәдә конгрес заманы бу ҝөрүш кечирилмирсә, амма сән әризә долдурмаг истәјирсәнсә, әлавә мәлумат үчүн филиала јаза биләрсән.

Филиал Комитәләринин Үзвләри вә Һәјат Јолдашлары үчүн Мәктәб

• Мәгсәд: филиалларын комитә үзвләринә Бет-Елдәки ишләрин даһа јахшы гајғысына галмаға, јығынҹагларла бағлы мәсәләләрлә мәшғул олмаға вә әразиләринә дахил олан рајон вә вилајәтләрә, еләҹә дә әдәбијјатларын тәрҹүмәсинә, чап олунмасына вә чатдырылмасына нәзарәт етмәјә көмәк етмәк (Лука 12:48б).

• Кечирилмә мүддәти: ики ај.

• Кечирилдији јер: Ҝөзәтчи Гүлләсинин Патерсондакы (Нју–Јорк, АБШ) Тәлим Мәркәзи.

• Тәләб: филиал вә ја өлкә комитәләринин үзвләри, јахуд да бу кими тәјинатлар алаҹаг гардашлар.

• Неҹә јазылмаг олар: тәләбләрә ҹаваб верән гардашлар вә һәјат јолдашлары Рәһбәрлик Шурасы тәрәфиндән дәвәт олунурлар.

[Һашијәләр]

Һал-һазырда бу мәктәбләр бүтүн өлкәләрдә кечирилмир

Һал-һазырда бу мәктәбләр бүтүн өлкәләрдә кечирилмир.