Әҝәр кимсә дејирсә...

«Индики зәманәдә онун һеч бир фајдасы јохдур»

Белә демәк олар: «Әлбәттә, адәтән, биз һансыса фајда ҝәтирән шејләрлә марагланырыг». Сонра әлавә етмәк олар: 1) «Зәһмәт олмаса, дејә биләрсиниз, әҝәр бу ҝүн бүтүн мүһарибәләрә сон гојулса, бунун бизә бир хејри олар? ... Сизҹә, инсанлар башга милләтләрдән олан инсанларла сүлһ ичиндә јашамағы өјрәнсәләр, мәҝәр бу мәгсәдә наил олмаг үчүн артыг илк аддым атмыш олмаздылар? ... Мүгәддәс Китабда да елә бу һагда пејғәмбәрлик олунмушду (Јешаја 2:2, 3). Һал–һазырда Јеһованын Шаһидләринин арасында мәһз сүлһ һөкм сүрүр, чүнки онлар Мүгәддәс Китабы өјрәнирләр». 2) «Анҹаг садәҹә бу, кифајәт дејил: мүһарибәләри гызышдыран инсанлары вә өлкәләри арадан галдырмаг лазымдыр. Ҝөрәсән, нә вахтса белә бир шеј баш верәҹәкми? Бәли, баш верәҹәк, Мүгәддәс Китабда бунун неҹә баш верәҹәји изаһ олунур (Дан. 2:44; Мәз. 37:10, 11)».

Јахуд белә демәк олар: «Әлбәттә, мән сизин шүбһәләринизи баша дүшүрәм. Ајдын мәсәләдир ки, һеч ким јанлыш мәлумат верән арајыш китабчасындан истифадә етмәз». Сонра әлавә етмәк олар: «Неҹә дүшүнүрсүнүз, аиләдә хошбәхтлијә наил олмаға даир мүдрик мәсләһәтләр верән бир китабы фајдалы һесаб етмәк олар? ... Аилә әнәнәләри вә аилә һәјаты һаггында тәсәввүрләр дәфәләрлә дәјишиклијә уғрамышдыр. Ҝөрүндүјү кими, һеч бир јахшы нәтиҹә вермәмишдир. Анҹаг Мүгәддәс Китабда аилә һаггында нә дејилдијини биләнләр вә она әмәл едәнләр мөһкәм вә хошбәхт аиләләрә саһибдирләр (Кол. 3:12—14, 18—21)».