«Јарадылыш мөҹүзәләри Аллаһын әзәмәтини бәјан едир»
Чохлары Аллаһын јаратдыгларыны сејр етмәкдән һәзз алырлар. Анҹаг тәәссүф ки, бүтүн бунларын Аллаһын дүшүнҹә вә һиссләри барәдә бизә нәләр өјрәтдијини чох аз инсан дәрк едир (Ром. 1:20). Гәдимдә јашамыш Давуд падшаһ Јеһова һаггында Онун Кәламындан өјрәнмәклә јанашы, Аллаһын јаратдыгларыны сејр едир вә Она јахынлашырды (Мәз. 8:3, 4). «Јарадылыш мөҹүзәләри Аллаһын әзәмәтини бәјан едир» адлы филм (рус.) бизә, ушагларымыза вә Мүгәддәс Китабы өјрәтдијимиз инсанлара Јеһованын јаратдыгларындан бәзиләри илә јахындан таныш олмаға, Даһи Јараданымызын неҹә Аллаһ олдуғуну ҝөрмәјә вә Она јахынлашмаға көмәк едир. Филмә бахдыгдан сонра нөвбәти суаллара ҹаваб вермәјә чалышын.
1) Каинатын бөјүклүјү вә орада һөкм сүрән низам-интизам Јеһоваја олан миннәтдарлығынызы неҹә артырыр? (Јешаја 40:26). 2) Суја даһа јахындан баханда Јарадан һаггында нә өјрәнирик? (Вәһј 14:7). 3) Јерин өлчүсү вә Ҝүнәшлә арасындакы мәсафә Јеһованын мүдриклијини неҹә ҝөстәрир? 4) Ај һансы мәгсәдә хидмәт едир? (Мәз. 89:37). 5) Һәјатдан һәзз алмасы үчүн Јеһова инсаны неҹә јарадыб? 6) ДНТ нәдир? (Мәз. 139:16). 7) Инсан Јеһованын јаратдығы диҝәр варлыглардан нә илә фәргләнир? (Јар. 1:26). 8) Јени дүнјада һансы ишлә мәшғул олмаг истәјәрдиниз?
Әлавә мөвзулар. 9) Рәнҝләр неҹә әмәлә ҝәлир? 10) Су ҹазибә гүввәсинә үстүн ҝәләрәк ағаҹын јухары һиссәләринә гәдәр неҹә ҝедиб чатыр? 11) Су инсан организминдә һансы функсијаны јеринә јетирир? 12) Ҹанлы аләм арасындакы һармонијаја даир нүмунә ҝәтирин. 13) Ҹанлылар бир-бирләри илә неҹә әмәкдашлыг едәҹәкләрини һарадан билирләр? 14) «Гызыл бөлҝү» нәдир вә бу, тәбиәтдә өзүнү неҹә ҝөстәрир?
Јеһованын әл ишләринә «фикир верин». Иса бизи «ҝөј гушларына» фикир вермәјә вә «занбагларын неҹә бој атдығына бахыб» ибрәт алмаға тәшвиг едир (Мат. 6:26, 28). Бу, бизим иманымызы ҝүҹләндирә вә Јарадана етибарымызы мөһкәмләндирә биләр, еләҹә дә Јеһованын мүдриклијинә, Өз халгыны хилас етмәк гүввәсинә вә мәһәббәтинә ҝөрә миннәтдарлығымыз артыра биләр. Һәддән артыг бу дүнјанын ишләринә алудә олмагданса, Јеһованын јарадылыш мөҹүзәләрини сејр етмәк вә онларын бизә Аллаһ һаггында дедикләри үзәриндә дүшүнмәк үчүн вахт ајырмаг вә сәј ҝөстәрмәк даһа јахшы оларды (Мәз. 19:1).