Ики хырда пул

Биз падшаһлығын марагларыны неҹә дәстәкләјирик? Бунун ваҹиб үсулларындан бири үмумдүнја тәблиғ ишинә ианә етмәјимиздир. Бәс әҝәр имканымыз мәһдуддурса, онда неҹә?

Бир дәфә Иса мәбәдин хәзинә габына ики хырда пул атан касыб дул гадыны ҝөрдү. Јеһоваја олан мәһәббәтиндән ирәли ҝәләрәк бу гадын «доланмаг үчүн нәји вардыса, һамысыны верди» (Марк 12:41—44). Исанын гадынын һәрәкәтинә диггәт јетирмәси етдији ианәнин Аллаһын ҝөзүндә чох дәјәрли олдуғуну ҝөстәрди. Ејнилә, биринҹи әсрдәки мәсиһчиләр дә фикирләшмирдиләр ки, хидмәти мадди ҹәһәтдән дәстәкләмәк мәсулијјәти јалныз варлы мәсиһчиләрин үзәринә дүшүр. Һәвари Павел македонијалыларын нүмунәсини чәкәрәк демишди ки, онлар «јохсул олмаларына» бахмајараг, бәхшишләрини гәбул етмәји «дөнә-дөнә хаһиш едирдиләр» (2 Кор. 8:1—4).

Беләликлә, әҝәр бизим ҝүҹүмүз јалныз «ики хырда пул» ианә етмәјә чатырса, унутмамалыјыг ки, бизим кичик ианәләримиз јығылараг бөјүк мәбләғ ола биләр. Үрәкдән ҝәләрәк етдијимиз ианәләр сәхавәтли сәмави Атамызы разы салыр. Ахы О, «севинҹлә верәни севир» (2 Кор. 9:7).