Виҹданынызы горујун

1. 2013-ҹү хидмәт илиндә кечириләҹәк хүсуси бирҝүнлүк конгрес неҹә адланыр вә програмын мәгсәди нәдир?

¹ Һәр ҝүн бизи виҹданымыза зидд давранмаға сөвг едән вәзијјәтләрлә үзләширик. Бу сәбәбдән 2012-ҹи илин сентјабрын 1-дән башлајан 2013-ҹү хидмәт илиндә кечириләҹәк хүсуси бирҝүнлүк конгрес «Виҹданынызы горујун» адланыр (1 Тим. 1:19). Програм һәр биримизә Јараданымызын бу мөһтәшәм әнамындан неҹә истифадә етдијимизи ҹидди шәкилдә ҝөтүр-гој етмәјә көмәк едәҹәк.

2. Програм һансы ваҹиб суаллара ҹаваб верәҹәк?

² Нөвбәти мәгамлара фикир верин. Конгрес виҹданла бағлы једди ваҹиб суала ҹаваб верәҹәк:

• Виҹданымыз үчүн тәһлүкә јарадан нәдир?

• Виҹданымызы неҹә тәрбијә едә биләрик?

• Бүтүн инсанларын ганындан неҹә тәмиз ола биләрик?

• Мүгәддәс Китаб принсипләри үзәриндә дүшүнмәјимиз вә онлара ујғун шәкилдә давранмағымыз бизим барәмиздә нә дејир?

• Виҹдан мәсәләләриндә башгаларыны бүдрәтмәкдән неҹә гача биләрик?

• Ҝәнҹләр, ҝүзәштә ҝетмәјиниз үчүн сизә тәзјиг ҝөстәриләндә неҹә мөһкәм дајана биләрсиниз?

• Руһун рәһбәрлији алтында олан виҹданларына әсасән даврананлары һансы хејир-дуалар ҝөзләјир?

3. Конгресдән неҹә фајдалана биләрик?

³ Јеһованын көмәји сајәсиндә биз Шејтанын виҹданымызы позмаг ҹәһдләринә синә ҝәрә биләрик. Кәламы вә тәшкилаты васитәсилә мәһәббәтли сәмави Атамыз бизә: «Јол будур, ҝедин бу јолла», — дејир (Јешаја 30:21). Бу конгресин програмы Јеһованын рәһбәрлик вермәсинин бир үсулудур. Буна ҝөрә дә ишләринизи елә јолуна гојун ки, конгресдә әввәлдән ахырадәк иштирак едәсиниз. Бүтүн диггәтинизи програма ҹәмләјин вә мәлуматлары шәхсән неҹә тәтбиг едәҹәјинизин үзәриндә дүшүнүн. Фикирләри аиләнизлә бирҝә мүзакирә един. Өјрәндикләримизи тәтбиг етмәк бизә виҹданымызы тәмиз сахламаға вә Шејтан дүнјасынын тәклиф етдији мүвәггәти әјләнҹәләрә ширникләнмәмәјә көмәк едәҹәк (1 Пет. 3:16).