Әҝәр кимсә дејирсә...

«Мән Мүгәддәс Китабы өзүм охујурам вә дуада Аллаһдан хаһиш едирәм ки, ону мәнә баша дүшмәјә көмәк етсин»

Белә демәк олар: «Сиз Мүгәддәс Китабы әввәлдән ахыра гәдәр охумусунуз?» Сонра әлавә етмәк олар: «Мүгәддәс Китабы охујаркән сиз Матта 28:19, 20 ајәләриндә мараглы бир фикирлә гаршылашаҹагсыныз. [Ҹаваб вермәсинә иҹазә вер.] Фикир верин ки, Иса пејғәмбәр инсанлара салеһлик јолларыны өјрәтмәк үчүн өз давамчыларыны ҝөндәрир. Бу сәбәбдән Јеһованын Шаһидләри һамыја тәмәннасыз олараг Мүгәддәс Китабы евдә өјрәнмәји тәклиф едирләр. Мәшғәләләр һәфтәдә бир дәфә кечирилир вә тәхминән бир саат давам едир. Иҹазә верин, бир нечә дәгигә әрзиндә белә мәшғәләләрин неҹә кечирилдијини сизә ҝөстәрим».

Һәмчинин 316-ҹы вә 317-ҹи сәһифәләрә бах.

«Мән һесаб едирәм ки, дин һәр кәсин шәхси ишидир».

Белә демәк олар: «Бу ҝүн чохлары белә дүшүнүр. Әҝәр Мүгәддәс Китаб кимисә марагландырмырса, биз башгаларынын јанына ҝедирик. Бәс билирсиниз, нәјә ҝөрә сизин јаныныза ҝәлмишәм? Мән Исанын давамчыларына вердији әмри јеринә јетирирәм (Мат. 24:14; 28:19, 20; 10:40)».