Әҝәр кимсә дејирсә...

«Мән јалныз ҝөрдүјүм шејләрә инанырам, Аллаһы исә һеч вахт ҝөрмәмишәм».

Белә демәк олар: «Бир чохлары сизин кими дејир. Бунун сәбәби ајдындыр. Јашадығымыз ҹәмијјәтдә инсанлар даһа чох мадди шејләрә өнәм верирләр. Ҝөрүнүр, сиз һәр шејә реал бахмаға үстүнлүк верирсиниз, елә дејил?» Сонра әлавә етмәк олар: 1) «Ҝәлин разылашаг ки, ҝөзлә ҝөрә билмәдијимиз, амма мөвҹудлуғуна әмин олдуғумуз бир чох шејләр вар. Мәсәлән, нәфәс алдығымыз һава. Биз ону күләк әсәндә вә ја ҹијәрләримизә доланда һисс едирик. Биз һаваны ҝөрмәсәк дә, онун мөвҹудлуғуна әминик, чүнки тәсирини ҝөрүрүк». 2) «Һәмчинин ҹазибә гүввәсини дә ҝөрмүрүк, анҹаг әлимиздән нәјисә саланда, онун тәсирини ҝөрүрүк. Гохулары ҝөрмүрүк, анҹаг бурнумузла онлары һисс едирик. Сәс далғаларыны да ҝөрмүрүк, амма гулагларымыз онлары ешидир. Разылашын ки, ҝөзлә ҝөрмәдијимиз, анҹаг мөвҹудлуғуна инандығымыз шејләр һеч дә аз дејил, чүнки буна әсаслы сәбәбләр вар». 3) «Бәс ҝөзлә ҝөрүнмәјән Аллаһын әслиндә мөвҹуд олдуғуна даир һансы сүбутлар вар?» (63 вә 64-ҹү сәһифәләрдә олан «Аллаһа инанмаг үчүн әсаслы сәбәбләр вармы?» башлығы алтындакы мәлуматдан (рус.) истифадә ет. [rs-ТК с. 369, 370.])