Әтрафлы шәһадәт верин
1. Һәвари Павел хидмәтлә бағлы һансы јахшы нүмунәни гојуб?
1 «Хидмәтини там јеринә јетир» (2 Тим. 4:5). Һәвари Павел Тимотејә бу мәсләһәти верәркән виҹданы тәмиз иди. Бизим еранын 47-ҹи илиндән 56-ҹы илинә гәдәр хүсуси тәјинатлы мүждәчи кими Павел үчүнҹү сәјаһәтини баша вурмушду. «Һәвариләрин ишләри» китабында Павелин «әтрафлы шәһадәт» вермәси дәфәләрлә хатырланыр (Һәв. иш. 23:11; 28:23). Бәс биз буну неҹә едә биләрик?
2. Евдән-евә тәблиғ заманы әтрафлы шәһадәт вермәк үчүн нә едә биләрик?
2 Евдән-евә. Евдә тапа билмәдијимиз инсанларын јанына мүхтәлиф вахтларда ҝәлмәлијик ки, онлара хош хәбәри чатдыраг. Адәтән, аилә башчылары ахшамлар вә ја һәфтәсонлары евдә олурлар. Тәкрар-тәкрар ҝәлмәклә һәр евдә һеч олмаса бир нәфәрлә сөһбәт етмәјә чалышмалыјыг. Бәс әҝәр бүтүн ҹәһдләринә бахмајараг евдә һеч кими тапа билмирсәнсә, онда неҹә? Белә олан һалда мәктуб јазмағын вә ја зәнҝ етмәјин көмәји дәјә биләр.
3. Инсанлар гаршысында вә гејри-рәсми шаһидлик вермәк үчүн һансы имканлар вар?
3 Инсанлар гаршысында вә гејри-рәсми шаһидлик. Бу ҝүн Аллаһын хидмәтчиләри онлара гулаг асан һәр кәсә «һикмәт»и бәјан едирләр. Бәзән буна «бајырда» вә ја «мејданларда» раст ҝәлмәк олар (Сүл. мәс. 1:20, 21). Ҝүндәлик ишләримизлә мәшғул оларкән шаһидлик етмәли олдуғумузу јадда сахлајырыгмы? Демәк олармы ки, биз бүтүн вахтымызы Аллаһын сөзүнү јајмаға һәср едирик? (Һәв. иш. 18:5). Әҝәр беләдирсә, демәли, әтрафлы шәһадәт вермәк мәсулијјәтимизи јеринә јетиририк (Һәв. иш. 10:42; 17:17; 20:20, 21, 24).
4. Дуа етмәјин вә дүшүнмәјин сајәсиндә неҹә әсаслы шәһадәт верә биләрик?
4 Анҹаг бәзән шәхси зәифликләримиз вә ја утанҹаглығымыз уҹбатындан шаһидлик вермәјә чәкинә биләрик. Шүбһәсиз, Јеһова габилијјәтләримизин мәһдуд олдуғуну баша дүшүр (Мәз. 103:14). Лакин белә вәзијјәтлә үзләшәндә Јеһоваја дуа едә биләрик ки, данышмаг үчүн бизә ҹәсарәт версин (Һәв. иш. 4:29, 31). Һәмчинин шәхси өјрәнмә илә мәшғул олмагла вә Аллаһын Кәламы үзәриндә дүшүнмәклә биз мисилсиз дәјәрә малик олан хош хәбәри даһа дәриндән анлаја биләрик (Филип. 3:8). Бу, бизи хош хәбәри сәјлә бәјан етмәјә тәшвиг едәҹәк!
5. Јоел пејғәмбәрин сөзләринин јеринә јетмәсиндә биз неҹә иштирак едә биләрик?
5 Јоел пејғәмбәр габагҹадан демишди ки, Јеһованын бөјүк вә дәһшәтли ҝүнү ҝәләнә гәдәр Аллаһын халгы јолдан чыхмајаҹаг вә тәблиғ етмәк ишиндә һеч нә онларын гаршысыны ала билмәјәҹәк (Јоел 2:2, 7—9). Ҝәлин һеч вахт тәкрарланмајаҹаг бу шаһидлик ишиндә там иштирак етмәк үчүн әлимиздән ҝәләни едәк!