Тәлим верәркән видеофилмләрдән истифадә ет
Јеһова Ибраһим вә Јеремја пејғәмбәрә ваҹиб мәлуматы тәкҹә демәклә јох, һәм дә ҝөстәрмәклә чатдырмышды (Јар. 15:5; Јер. 18:1—6). Биз видеофилмләр кими әјани вәсаитләрдән истифадә едәрәк Мүгәддәс Китабы өјрәтдијимиз инсанлара Аллаһын Кәламындакы һәгигәтләри баша дүшмәјә вә ону гијмәтләндирмәјә көмәк едә биләрик. Ашағыда һансы видеофилмдән нә заман истифадә етмәклә бағлы бәзи тәклифләр вар. Анҹаг диггәт јетирин ки, бунлар садәҹә тәклифдир, чүнки өјрәнән инсанларын шәраитләри мүхтәлифдир.
«Мүгәддәс Китаб өјрәдир» китабы
◻ Фәсил 1: 17-ҹи абзасы мүзакирә етдикдән сонра «Јарадылыш мөҹүзәләри Аллаһын әзәмәтини бәјан едир» (рус., түрк) адлы видеофилмә бахын.
◻ Фәсил 2: Гуртардыгдан сонра «Мүгәддәс Китаб — мүасир китаблардан ән гәдими» (рус.) адлы видеофилмә бахын.
◻ Фәсил 9: 14-ҹү абзасы мүзакирә етдикдән сонра «Јеһованын Шаһидләри — Аллаһын хош хәбәрини бәјан едән тәшкилат» (рус.) адлы видеофилмә бахын.
◻ Фәсил 14: Гуртардыгдан сонра «Мүгәддәс Китаб — һәјатымызы дәјишән гүввә» (рус.) адлы видеофилмә бахын.
◻ Фәсил 15: 10-ҹу абзасы мүзакирә етдикдән сонра «Үмумдүнја гардашлығымыз» (рус.) адлы видеофилмә бахын.
«Аллаһын мәһәббәти» китабы
◻ Фәсил 3: 15-ҹи абзасы мүзакирә етдикдән сонра «Ҝәнҹләрин суаллары: әсил достлары неҹә тапмаг олар?» (рус.) адлы видеофилмә бахын.
◻ Фәсил 4: Гуртардыгдан сонра «Јеһованын һакимијјәтинә һөрмәт ет» (рус.) адлы видеофилмә бахын.
◻ Фәсил 7: 12-ҹи абзасы мүзакирә етдикдән сонра «Гансыз мүалиҹә. Әлдә едилән наилијјәтләр» (рус.) адлы видеофилмә бахын.
◻ Фәсил 9: 6-ҹы абзасы мүзакирә етдикдән сонра «Аллаһын мүасир хидмәтчиләринә хәбәрдарлыг нүмунәләри» (рус.) адлы видеофилмә бахын.
◻ Фәсил 17: Гуртардыгдан сонра «Ҝөрүнән шејләрә јох, имана әсасланараг јашајын» (рус.) адлы видеофилмә бахын.
Мүгәддәс Китабы өјрәтдијин адама фајда ҝәтирәҹәк башга видеофилмләр дә вармы? Мәсәлән, «Сынаглар заманы садиг галанлар. Јеһованын Шаһидләри Совет Иттифагында» вә ја «Јеһованын Шаһидләринин насизм гаршысында ҝөстәрдикләри мәтанәт» (рус.) адлы видеофилмләрә бахмаг тәгибләрлә үзләшән кәсләри руһландыра биләр. «Аллаһы иззәтләндирән мәгсәдләрә ҹан атын» вә «Ҝәнҹләрин суаллары. Һәјатымы нәјә һәср едим?» (рус.) адлы видеофилмләр ҝәнҹләрә фајда ҝәтирә биләр. Өјрәнәнлә бирҝә видеофилмә нә вахт бахаҹағыны вә ја филми она верәҹәјини унутмамаг үчүн «Мүгәддәс Китаб өјрәдир» вә «Аллаһын мәһәббәти» китабларында өзүн үчүн гејд ет. Һәр дәфә јени видеофилм чыханда өјрәнәнин үрәјинә тәсир етмәси үчүн ондан неҹә истифадә едә биләҹәјин барәдә дүшүн (Лука 24:32).