Пејғәмбәрләрдән нүмунә ҝөтүрүн — Амос
1. Амос пејғәмбәрин нүмунәси бизи нә үчүн руһландыра биләр?
1 Һеч нә вахтса азсавадлы вә ја касыб аиләдән олдуғун үчүн өзүнү тәблиғ ишинә јарарсыз һисс етмисән? Онда Амос пејғәмбәрин нүмунәси сәни руһландыра биләр. О, чобанлыг едир вә мөвсүми ишлә мәшғул олурду. Анҹаг Јеһова ону олдугҹа ваҹиб хәбәри бәјан етмәк үчүн тәјин етди (Амос 1:1; 7:14, 15). Ејнилә, бизим ҝүнләрдә дә Јеһова садә вә тәвазөкар адамлардан истифадә едир (1 Кор. 1:27—29). Амосдан хидмәтимизлә бағлы даһа нә өјрәнә биләрик?
2. Хидмәтдә үзләшдијимиз тәгибләр гаршысында нә үчүн мөһкәм дајана биләрик?
2 Тәгибләр гаршысында мөһкәм дајан. Исраилин онгәбиләли шимал падшаһлығында данаја ибадәт едән каһин Амасја Амосун пејғәмбәрлијинә, санки, белә ҹаваб вермишди: «Ҝет евинә! Биздән әл чәк! Бизим өз динимиз вар!» (Амос 7:12, 13). Амасјанын шикајәтинә әсасән, Јаровам падшаһ Амосун фәалијјәтинә гадаға гојду, белә ки, о, пејғәмбәрин сөзләрини тәһриф етмишди (Амос 7:7—11). Лакин бу, Амосу горхутмады. Бу ҝүн дә бәзи дин хадимләри Јеһованын халгыны тәгиб етмәкдә өзләринә сијаси дәстәк ахтарырлар. Анҹаг Јеһова әмин едир ки, бизә гаршы ишләнән һеч бир силаһ ишә јарамајаҹаг (Јешаја 54:17).
3. Бу ҝүн һансы ики хәбәри бәјан едирик?
3 Аллаһын һөкмүнү вә ҝәләҹәк хејир-дуалары бәјан ет. Исраилин онгәбиләли падшаһлығына гаршы һөкм хәбәрини чатдырмасына бахмајараг, Амос адыны дашыјан вә Аллаһын Кәламына дахил олан китабыны Јеһованын бол хејир-дуаларла вә бәрпа илә бағлы вердији вәдлә јекунлашдырыр (Амос 9:13—15). Биз дә «Һөкм ҝүнүнүн» ҝәләҹәји һагда данышырыг, лакин бу, бәјан етмәли олдуғумуз «Падшаһлыг һаггындакы... хош хәбәр»ин бир һиссәсидир (2 Пет. 3:7; Мат. 24:14). Јеһова Һар-Маҝедонда писләри мәһв етмәклә јерүзү Ҹәннәтә ҝедән јолу тәмизләјәҹәк (Мәз. 37:34).
4. Јеһованын ирадәсини јеринә јетирә биләҹәјимизә нә үчүн әмин ола биләрик?
4 Бүтүн дүнјада Падшаһлыг хәбәрини чатдыраркән үзләшдијимиз тәгибләр һәср олунмағымыза ујғун јашамаг вә Јеһованын ирадәсини јеринә јетирмәк әзмимизи сынагдан кечирир (Јәһ. 15:19). Буна бахмајараг, биз әминик ки, Јеһова, Амоса көмәк етдији кими, бизә дә Онун ирадәсини јеринә јетирә билмәјимиз үчүн лазыми көмәји ҝөстәрәҹәк (2 Кор. 3:5).