Онлара «иманда сарсылмаз» олмаға көмәк един
Јеһованын бичин ишинә хејир-дуа вермәсини — һәр ил 250 000-дән чох инсанын вәфтиз олунмасыны ҝөрмәк неҹә дә севиндириҹидир (Ганун. т. 28:2). Өјрәнәнә вәфтиз олунмаға көмәк етдикдән сонра тәблиғчидә онунла өјрәнмәни дајандырыб башгаларына көмәк етмәк мејли јарана биләр. Һәмчинин јени вәфтиз олан инсан да хидмәтә даһа чох вахт ајырмаг үчүн өјрәнмәни дајандырмаға мејилли ола биләр. Лакин Мүгәддәс Китабы өјрәнән кәсләрин һәгигәтдә мөһкәм тәмәлә малик олмалары ваҹибдир. Онлар Мәсиһдә «көк атыб... иманда сарсылмаз» олмалыдырлар (Колос. 2:6, 7; 2 Тим. 3:12). Буна ҝөрә дә өјрәнән вәфтиз олундугдан сонра да һәм «Мүгәддәс Китаб өјрәдир», һәм дә «Аллаһын мәһәббәти» китабыны ахыра кими арашдырмалыдыр. («Бизим Падшаһлыг Хидмәтимиз»ин 2011-ҹи ил апрел сајынын 2-ҹи сәһифәсинә бах.)