Әҝәр кимсә дејирсә...

«Әҝәр кимсә дејирсә: “Јахшысы будур, ҝедиб инсанлара (ҹәмијјәтә) хејри дәјән бир ишлә мәшғул оласыныз”»

Белә демәк олар: «Ҝөрүрәм ки, сиз инсанларын јахшы јашамасыны истәјирсиниз. Мән дә буну истәјирәм. Сизҹә, илк нөвбәдә, һансы проблеми арадан галдырмаг лазымдыр?» Сонра әлавә етмәк олар: «Бәс нәјә ҝөрә бу проблеми һәлл етмәк ваҹибдир? [Ҹаваб вермәсинә изин вер.] Јәгин ки, дәрһал нәсә бир тәдбир ҝөрүлсә, бир хејри дәјәр. Анҹаг разылашарсыныз ки, биз бу мәсәләдә көклү сурәтдә дәјишиклик едилдијини ҝөрмәк истәјәрдик. Јеһованын Шаһидләри олан бизләр бу проблемин һәллинә мәһз белә јанашырыг. (Инсанлара Мүгәддәс Китаб принсипләрини һәјатларына тәтбиг етмәклә проблемләринин көкүнү мүәјјән етмәләринә неҹә көмәк етдијимизи изаһ ет. Һәмчинин Аллаһын Падшаһлығынын едәҹәји ишләрдән вә бунун сајәсиндә бу проблемин һамы үчүн бирдәфәлик неҹә арадан галхаҹағындан даныш.)».

Јахуд белә демәк олар: «(Јухарыдакы бәзи фикирләри мүзакирә етдикдән сонра) Кимсә ҹәмијјәтин вәзијјәтини јахшылашдырмаг үчүн өз ҹибиндән хәрҹләјир, башга бириси исә тәмәннасыз һансыса иши ҝөрүр. Јеһованын Шаһидләри бунун һәр икисини едирләр. Иҹазә верин изаһ едим». Сонра әлавә етмәк олар: 1) «Әҝәр кимсә Јеһованын Шаһиди олмаг истәјирсә, о, дүрүст шәкилдә верҝиләри өдәмәлидир. Бунун сајәсиндә дөвләтин бүдҹәсинә пул ҝәлир вә әһалијә лазыми хидмәтләр ҝөстәрилир». 2) «Бунунла јанашы, биз инсанларын евләринә ҝедир вә онлара пулсуз Мүгәддәс Китаб өјрәнмәси тәклиф едирик. Мүгәддәс Китабда нә дејилдијини өјрәндикҹә онлар орадакы принсипләри һәјатда тәтбиг етмәји вә өз проблемләрини һәлл етмәји өјрәнирләр».