Нүмунә үчүн тәгдимәләр

«Һәјати ваҹиб суаллара ким ҹаваб верә биләр?»

Башлығы ҝөрә билмәси үчүн буклети гаршындакы инсана узат вә сонра белә де: «Салам. Биз бу ваҹиб хәбәри чатдырмаг үчүн үмумдүнја кампанијада иштирак едирик. Бујурун бу да сизин үчүн».

Әҝәр буклети евдә олмајан инсан үчүн сахлајырсанса, онда ону тез ҝөзә чарпмајан јерә гој вә еһтијаҹ јохдурса, гатлама.

Әҝәр инсан мараг ҝөстәрир вә ја сөһбәт етмәк истәјирсә, онда үз сәһифәдәки чохвариантлы суалы вериб онун фикрини өјрәнә биләрсән. Буклети ач вә Мәзмур 119:144, 160 ајәләриндә јазыланлары она ҝөстәр. Изаһ ет ки, бу буклетдә она Мүгәддәс Китабдан долғун ҹаваблар тапмаға көмәк едәҹәк веб-сајт барәдә мәлумат вар. Ола билсин, нүмунә үчүн «Мүгәддәс Китабы өјрәнмәк нәјә ҝөрә ваҹибдир?» видеосуну ҝөстәрә биләрсән. Ҝетмәздән әввәл буклетин сон сәһифәсиндәки үч суалы ҝөстәр вә онлардан һансынын онун үчүн даһа мараглы олдуғуну соруш. Мүгәддәс Китабын бу суала вердији ҹавабы жw.org сајтындан неҹә тапмағы ҝөстәрмәк үчүн ҝәлән дәфә ҝәлмәји тәклиф ет. Тәкрар баш чәкәндә ҹавабы сајтдакы МҮГӘДДӘС ЈАЗЫЛАРЫН ТӘЛИМЛӘРИ > МҮГӘДДӘС ЈАЗЫЛАРА АИД СУАЛЛАРА ҸАВАБ. башлығы алтындакы мәлумат әсасында мүзакирә ет.

Үстәлик, әҝәр сән реҝионал конгрес үчүн дәвәтнамә пајлајырсанса, буклети вердијин заман ону да вер вә белә де: «Бундан әлавә, биз сизи гаршыдан ҝәлән пулсуз тәдбирдә иштирак етмәјә дәвәт едирик».