Тәлим вәсаитләримиз
1. Мәсиһиләр һансы мәнада устаја бәнзәјирләр?
1 Усталар мүхтәлиф аләтләрдән истифадә едирләр. Аләтләрин бәзиләри һәрдәнбир, хүсуси ишләр үчүн лазым олур, әсас аләтләр исә тез-тез ишләнир. Сәриштәли устанын әсас аләтләри һәмишә әлинин алтында олур вә о, һәмин аләтләрдән мәһарәтлә истифадә едир. Мүгәддәс Китаб һәр бир мәсиһини тәшвиг едир ки, өзүнү хидмәтә һәср етсин вә алныачыг ишчи олсун (2 Тим. 2:15). Бәс бизим ән әсас әлатимиз нәдир? Бу, Аллаһын Кәламыдыр. Шаҝирд һазырлајаркән әсас аләт кими ондан истифадә едирик (Мәт. 28:19, 20). Буна ҝөрә дә биз чалышмалыјыг ки, һәгигәт кәламындан дүзҝүн истифадә етмәји баҹараг. Анҹаг бизим тез-тез истифадә етдијимиз диҝәр аләтләр дә вар вә бүтүн мәсиһиләр инсанлара һәгигәти өјрәтмәк үчүн онлардан мәһарәтлә истифадә етмәји өјрәнмәлидирләр (Мәс. 22:29).
2. Бизим һансы әсас аләтләримиз вар?
2 Әсас аләтләримиз. Мүгәддәс Китабла јанашы даһа һансы аләтләрдән истифадә етмәлијик? Мүгәддәс Китаб һәгигәтләрини әсас дәрс вәсаити васитәсилә өјрәдирик. Бу китабы битирдикдән сонра инсана Мүгәддәс Китаб принсипләрини ҝүндәлик һәјатда тәтбиг етмәји өјрәтмәк үчүн «Өзүнүзү Аллаһын мәһәббәтиндә сахлајын» китабыны кечирик. Буна ҝөрә дә бу ики китабдан мәһарәтлә истифадә етмәји баҹармалыјыг. Әсас аләтләримизә мүәјјән брошүрләр дә дахилдир. Мүгәддәс Китаб дәрси кечмәјә башламаг үчүн әсас аләтләрдән бири «Илаһи мүждә» брошүрүдүр. Өјрәнән инсанлара тәшкилат һагда мәлумат вермәк үчүн әсас аләт «Јеһова Аллаһын мүасир халгы» брошүрүдүр. Шаҝирд һазырламаға көмәк едән видеолары, мәсәлән, «Мүгәддәс Китабы өјрәнмәк нәјә ҝөрә лазымдыр», «Ибадәт ҝөрүшләримиз неҹә кечирилир?», «Аллаһын ады» адлы видеолары јахшы ишләтмәји өјрәнмәлијик.
3. «Мүгәддәс ибадәтимиз» вәрәгәсинин ҝәләҹәк бурахылышларында нә олаҹаг?
3 «Мүгәддәс ибадәтимиз» вәрәгәсинин ҝәләҹәк бурахылышларында әлимиздә олан әсас тәлим вәсаитләриндән мәһарәтлә истифадә етмәк үчүн бизә мәсләһәтләр вериләҹәк. Бу аләтләрдән мәһарәтлә истифадә етмәјә чалышсаг, Аллаһдан олан мәсләһәти изләмиш олаҹағыг: «Өзүнә вә вердијин тәлимә һәмишә диггәт јетир. Бунлардан бәрк-бәрк јапыш, чүнки бу јолла һәм өзүнү, һәм дә сәнә гулаг асанлары хилас едәҹәксән» (1 Тим. 4:16).