Бизи руһландыран һәмд нәғмәләри!

Һәвари Булус вә Сила зинданда маһны охујуб Аллаһы тәрәннүм едирдиләр (Һв 16:25). Заксенхаузен фашист һәбс дүшәрҝәсиндә дустаг олан вә Сибирә сүрҝүн олунан баҹы-гардашлар да Јеһоваја һәмд нәғмәләри охујурдулар. Бу нүмунәләр ҝөстәрир ки, маһнылар иманы сынанан мәсиһиләри руһландырмаға гадирдир.

Тезликлә бир чох дилләрдә «Јеһованы шөвглә тәрәннүм един» адлы јени нәғмә китабы чап олунаҹаг. Бу китабы аландан сонра аиләви ибадәт заманы маһнылары охујараг сөзләрини әзбәрләмәјә чалышын (Еф 5:19). Иманымыз сынанда мүгәддәс руһ бу нәғмәләрин сөзләрини јадымыза салаҹаг. Һәмд нәғмәләри бизә диггәти үмидимизә ҹәмләмәјә көмәк едир. Сынаг вахты онлар бизә ҝүҹ верәҹәк. Бу маһныларын руһландырыҹы сөзләри бизи јахшы ҝүнләримиздә дә шөвглә нәғмә охумаға тәшвиг едир (1См 15:16; Зб 33:1—3). Гој бу һәмд нәғмәләри дилимиздән дүшмәсин!

«МӘҺБУСЛАРЫ РУҺЛАНДЫРАН НӘҒМӘ» АДЛЫ ВИДЕОЈА БАХАНДАН СОНРА АШАҒЫДАКЫ СУАЛЛАРЫ ҸАВАБЛАНДЫРЫН:

• Ерих Фрост адлы гардашы бу нәғмәни бәстәләмәјә нә тәшвиг етмишди?

• Бу нәғмә Заксенхаузен һәбс дүшәрҝәсиндәки гардашлара неҹә тәсир етмишди?

• Һәмд нәғмәләри сизә һансы вәзијјәтләрдә көмәк едә биләр?

• Һансы маһнылары әзбәрләмәк истәјәрдиниз?