Хидмәтдә пүхтәләшәк​—JW.ORG сајтындан неҹә истифадә етмәли?

НӘ ҮЧҮН ВАҸИБДИР? Тәлим вәсаитләримизин һәр бириндә jw.org сајтына истинад олунур. Визит картын вә «Һәјати ваҹиб суаллара ким ҹаваб верә биләр?» буклетинин әсас мәгсәди инсанлары сајтымыза јөнәлтмәкдир. Сиз jw.org сајты васитәсилә тәлим вәсаитләрини пајлаја биләрсиниз. Бунун үчүн ја һәмин нәшрин өзүнү, ја да линкини електрон почтла ҝөндәрмәк олар. Бу үсул, хүсусилә дә башга дилдә данышан адама шаһидлик едәркән көмәјинизә чата биләр. Бундан башга кимсә елә суал верә биләр ки, суалын ҹавабы тәлим вәсаитиндә јох, башга нәшрдә олар. Әҝәр биз сајтдан јахшы истифадә едә билириксә, хидмәтдә даһа еффектив олаҹағыг.

НЕҸӘ ЕТМӘЛИ?

• 

  «МҮГӘДДӘС КИТАБ ТӘЛИМЛӘРИ» бөлмәсиндән истифадә един. Туталым ки, сиз ушагларын тәрбијәсилә бағлы әтрафлы мәлумат әлдә етмәк истәјән валидејнә тәблиғ едирсиниз. О заман МҮГӘДДӘС КИТАБ ТӘЛИМЛӘРИ > НИКАҺ ВӘ АИЛӘ бөлмәсинә дахил олун.

• «НӘШРЛӘР» бөлмәсиндән истифадә един. Туталым ки, мәктәбдә шаһидлик едирсиниз вә синиф јолдашыныза «Ҝәнҹләрин 10 суалына ҹаваб» брошүрүнү вермәк истәјирсиниз. Бу заман НӘШРЛӘР > КИТАБЛАР ВӘ БРОШҮРЛӘР бөлмәсинә дахил олун.

• «ҺАГГЫМЫЗДА» бөлмәсиндән истифадә един. Туталым ки, бизим етигадларымыз һаггында гыса мәлумат алмаг истәјән иш јолдашыныза шаһидлик едирсиниз. Бу заман ҺАГГЫМЫЗДА > ТЕЗ-ТЕЗ ВЕРИЛӘН СУАЛЛАР бөлмәсинә дахил олун.

«JW.ORG САЈТЫНДАН НЕҸӘ ИСТИФАДӘ ЕТМӘЛИ?» АДЛЫ ВИДЕОЈА БАХДЫГДАН СОНРА НӨВБӘТИ ВӘЗИЈЈӘТЛӘРДӘ САЈТЫН ҺАНСЫ БӨЛМӘСИНӘ ДАХИЛ ОЛАҸАҒЫНЫЗЫ ДҮШҮНҮН:

• атеистлә сөһбәт едәркән

• фаҹиә илә үзләшән адамла сөһбәт едәркән

• гејри-фәал баҹы вә ја гардашла сөһбәт едәркән

• фәалијјәтимизин неҹә малијјәләшдирилдији илә марагланан адамла тәкрар сөһбәт етмәјә һазырлашаркән

• башга өлкәдән олан вә өз өлкәсиндә јығынҹаг ҝөрүшүнә ҝетмәк истәјән адама көмәк етмәк үчүн