Анма мәрасиминә неҹә һазырлашаҹагсыныз?

Бу илдән башлајараг Мәсиһин өлүмүнү анма мәрасиминә һазырлашмаға даһа чох вахтымыз олаҹаг. Анма мәрасими һәфтәарасы ҝүнләрә дүшсә, һәмин һәфтә Мәсиһи һәјаты вә ибадәти ҝөрүшү кечирилмәјәҹәк. Һәфтәнин ахырына дүшсә, ачыг мәрузә вә «Ҝөзәтчи гүлләси» мүзакирәси олмајаҹаг. Јаранан бош вахтдан сәмәрәли истифадә едәҹәксинизми? Биринҹи әсрдә олдуғу кими, бу хүсуси мәрасим үчүн мүәјјән һазырлыглар ҝөрүлмәлидир (Лк 22:7—13; km 3/15 с. 1). Бундан башга, һәр биримиз үрәјимизи һазырламалыјыг. Буну неҹә етмәк олар?

• Бу мәрасимә ҝәлмәјин ваҹиблији барәдә дүшүнүн (1Кр 11:23—26).

• Дуа едәрәк Јеһова илә мүнасибәтләринизи јохлајын (1Кр 11:27—29; 2Кр 13:5).

• Анма мәрасиминин мәнасыны изаһ едән мәгаләләри охујуб үзәриндә дүшүнүн (Јһ 3:16; 15:13).

Бәзи тәблиғчиләр «Мүгәддәс Јазылары һәр ҝүн арашдырын» брошүрүндә анма мәрасими илә бағлы гејд олунан Мүгәддәс Китаб парчасыны охујуб үзәриндә дүшүнүрләр. Башгалары исә ашағыдакы ҹәдвәлдә ҝөстәрилән ајәләри охујурлар. Бир башгалары исә анма мәрасими, Јеһованын вә Иса Мәсиһин бизә ҝөстәрдији мәһәббәт барәдә олан мәгаләләри охујурлар. Фәрги јохдур, нәји мүталиә едәҹәксиниз, гој бу сизи Јеһоваја вә Онун Оғлуна даһа да јахын етсин.