МӘСИҺИ ҺӘЈАТЫ
«Јад аллаһларын бүтләрини атын»
Јеһова һәлә бүтпәрәстлији гадаған едән ганун вермәмишдән өнҹә Јагуб баша дүшүрдү ки, Јеһова там сәдагәтә лајигдир (Чх 20:3—5). Буна ҝөрә дә Јеһова Јагуба Бејтелә гајытмағы бујуранда о, ев әһлинә бүтләрини атмағы тапшырды. Сонра бүтләри вә ола билсин, талисман кими тахылан сырғалары басдырды (Јр 35:1—4). Шүбһәсиз ки, Јеһова Јагубун бу һәрәкәтиндән разы галды.
Бәс биз Јеһоваја там садиг олдуғумузу неҹә ҝөстәрә биләрик? Илк өнҹә, бүтпәрәстликлә, јахуд шәр гүввәләрлә әлагәси олан шејләрдән узаг дурмалыјыг. Бура оккултизмлә әлагәси олан әшјалары атмаг вә әјләнҹә сечиминә ҹидди јанашмаг дахилдир. Өзүнүздән сорушун: «Вампир, зомби, фөвгәлтәбии гүввәләрдән бәһс едән китаблара, јахуд филмләрә марағым вар? Сечдијим әјләнҹәдә сеһрбазлыг, ҹадуҝәрлик вә ләнәт зәрәрсиз бир шеј кими тәгдим едилмир ки?» Биз Јеһованын нифрәт етдији һәр шејдән узаг дурмалыјыг (Зб 97:10).
«ИБЛИСӘ МҮГАВИМӘТ ҜӨСТӘРИН» АДЛЫ ВИДЕОЈА БАХАНДАН СОНРА НӨВБӘТИ СУАЛЛАРА ҸАВАБ ВЕРИН:
Палеса адлы гадын һансы проблемлә үзләшмишди?
Шәр руһларла бағлы мәсәләләрдә нәјә ҝөрә ағсаггаллардан көмәк истәмәк дүзҝүн оларды?
Иблисә мүгавимәт ҝөстәрин, Аллаһа јахынлашын (Јг 4:7, 8)
Јеһованын мүдафиәсиндә олмаг истәјән кәс нәләри өзүндән тамамилә кәнар етмәлидир?
Палеса һансы гәти аддымы атды?
Јашадығыныз әразидә шәр руһларын тәсириндән неҹә узаг дура биләрсиниз?