Јеһованын тәрбијә үсулуну дәстәкләмәклә мәһәббәтлә давранырыг

Төвбә етмәјән ҝүнаһкары јығынҹагдан кәнар етмәк һәм јығынҹағы горујур, һәм дә һәмин адамы тәрбијә едир (1Кр 5:6, 11). Јеһованын вердији тәрбијә үсулуну дәстәкләјәндә биз мәһәббәтлә давранырыг. Бу неҹә ола биләр, ахы киминсә јығынҹагдан кәнар едилмәси она јахын олан һәр кәсә, еләҹә дә гоһумларына вә интизам комитәсинин үзвләринә кәдәр ҝәтирир?

Ән әсасы, бунунла Јеһованын адына вә мүгәддәслик нормаларына мәһәббәтимизи ҝөстәририк (1Бт 1:14—16). Һәмчинин јығынҹагдан кәнар едилмиш шәхси дә севдијимизи ҝөстәририк. Ҹидди ҹәза инсана ағры ҝәтирсә дә, инсанда «салеһлијин сүлһ бәһрәсини јетишдирир» (Иб 12:5, 6, 11). Кәнар олунмуш шәхслә, јахуд Јеһованын Шаһиди олмагдан имтина етмиш шәхслә үнсијјәти давам етдирмәклә Јеһованын вердији тәрбијәјә мүдахилә етмиш олуруг. Нәзәрә алын ки, Јеһова Өз хидмәтчиләрини «лазыми өлчүдә» ҹәзаландырыр (Әр 30:11). Биз кәнар олунмуш шәхсин мәрһәмәтли Атамыз Јеһоваја гајыдаҹағына үмид едирик. Өзүмүз исә Јеһованын тәрбијә үсулуну дәстәкләјирик вә Онунла мүнасибәтләримизи мөһкәм сахламаг үчүн әлимиздән ҝәләни едирик (Әш 1:16—18; 55:7).

«БҮТҮН ГӘЛБИНИЗЛӘ САДИГ ГАЛЫН» АДЛЫ ВИДЕОЈА БАХАНДАН СОНРА СУАЛЛАРА ҸАВАБ ВЕРИН:

• 

  Өвлады Јеһованы тәрк едән мәсиһи валидејнләр һансы һиссләри кечирир?

• 

  Баҹы-гардашлар аилә үзвү јығынҹагдан кәнар олунмуш садиг мәсиһиләрә неҹә дәстәк ола биләр?

• 

  Мүгәддәс Китабдакы һансы һадисә аилә үзвүндән чох Јеһоваја садиг галмағын ваҹиб олдуғуну ҝөстәрир?

• 

  Аиләмиздән чох Јеһоваја садиг олдуғумузу неҹә ҝөстәрә биләрик?