Аиләдә мәһәббәт ҝөстәрин

Мәһәббәт аилә үзвләрини бирләшдирән бағдыр. Мәһәббәт олмаса, аиләдә нә бирлик олар, нә дә әмәкдашлыг. Әрлә арвад бир-биринә вә өвладларына мәһәббәтләрини неҹә ҝөстәрә биләрләр?

Гајғыкеш әр арвадынын тәләбатларына, фикирләринә вә һиссләринә анлајышла јанашыр (Еф 5:28, 29). О, аиләсинин һәм мадди, һәм дә руһани ҹәһәтдән гајғысына галыр, мәсәлән, мүнтәзәм аиләви ибадәт ахшамы кечирир (1Тм 5:8). Әрини севән гадын исә она табе олур вә дәрин һөрмәт бәсләјир (Еф 5:22, 33; 1Бт 3:1—6). Онларын һәр икиси бир-бирини үрәкдән бағышлајыр (Еф 4:32). Гајғыкеш валидејн һәр бир өвладына диггәт ҝөстәрир вә онлара Јеһованы севмәји өјрәдир (Гн 6:6, 7; Еф 6:4). Онларын ушаглары мәктәбдә һансы чәтинликләрлә үзләширләр? Јашыдларынын тәзјигинә неҹә синә ҝәрирләр? Аиләдә мәһәббәт һөкм сүрәндә һамы өзүнү әмин-аманлыгда һисс едир.

«АИЛӘДӘ ТҮКӘНМӘЗ МӘҺӘББӘТ ҜӨСТӘРИН» АДЛЫ ВИДЕОЈА БАХАНДАН СОНРА СУАЛЛАРА ҸАВАБ ВЕРИН:

• 

  Гајғыкеш әр арвадынын гејдинә галдығыны вә әзизләдијини неҹә ҝөстәрир?

• 

  Әрини севән гадын она дәрин һөрмәт бәсләдијини неҹә ҝөстәрир?

• 

  Гајғыкеш валидејнләр Аллаһын Кәламыны өвладларына неҹә ашылајыр?