Сосиал шәбәкәләрдә достларыныз кимдир?

Дост дејиләндә бир-бирини севән, бир-биринә һөрмәт едән инсанлар нәзәрдә тутулур. Мәсәлән, Давуд Ҹалуту өлдүрәндән сонра Јонатанла Давуд арасында сарсылмаз достлуг јаранды (1Иш 18:1). Онларын икисинин дә ҝөзәл хүсусијјәтләри вар иди вә бу хүсусијјәтләр онлары бир-биринә севдирди. Демәли, мөһкәм достлуг дәгиг билијә әсасланыр. Башга инсаны танымаг үчүн вахт вә ҝүҹ тәләб олунур. Анҹаг сосиал шәбәкәләрдә ҹәми бир дүјмәни басмагла инсанлар достлашырлар. Сосиал шәбәкәләрдә инсанлар нә дејәҹәкләрини габагҹадан ҝөтүр-гој едирләр, башгаларынын онлара гаршы мүнасибәтинә мүәјјән дәрәҹәдә тәсир едә билирләр. Бунун сајәсиндә онлар әслиндә ким олдугларыны асанлыгла ҝизләдә билирләр. Буна ҝөрә дә сосиал шәбәкәләрдә кимләри дост кими гәбул едәҹәјинизи һәртәрәфли ҝөтүр-гој етмәк јахшы оларды. Танымадығыныз инсанлардан ҝәлән достлуг тәклифләрини рәдд етмәјә чәкинмәјин, дүшүнмәјин ки, бирдән онларын гәлбинә дәјәрсиниз. Кимләрсә бу тәһлүкәләри нәзәрә алараг үмумијјәтлә сосиал шәбәкәләрдән истифадә етмирләр. Әҝәр сиз сосиал шәбәкәләрдән истифадә етмәк гәрарына ҝәлмисинизсә, онда нәләри јадда сахламалысыныз?

«СОСИАЛ ШӘБӘКӘЛӘРДӘН ИСТИФАДӘ ЕДӘРКӘН ЕҺТИЈАТЛЫ ОЛ» АДЛЫ ВИДЕОЈА БАХАНДАН СОНРА СУАЛЛАРА ҸАВАБ ВЕРИН:

• 

  Шәрһләр јазмаздан вә шәкилләр пајлашмаздан әввәл нәләри нәзәрә алмалысыныз?

• 

  Сосиал шәбәкәләрдә достларынызы нәјә ҝөрә еһтијатла сечмәлисиниз?

• 

  Нәјә ҝөрә сосиал шәбәкәләрдә кечирдијиниз вахта мәһдудијјәт гојмалысыныз? (Еф 5:15, 16).