МӘСИҺИ ҺӘЈАТЫ
Аллаһын дүшүнҹә тәрзинә бәләд олун
Биз һәр ишдә Јеһованы разы салмаг истәјирик (Мс 27:11). Буна ҝөрә дә һәтта конкрет ганун олмајанда да Аллаһын дүшүнҹә тәрзинә ујғун олан гәрарлар вермәлијик. Бәс бу ишдә бизә нә көмәк едә биләр?
Мүгәддәс Китабы һәр ҝүн мүталиә един. Һәр дәфә Мүгәддәс Китабы охујанда санки Јеһова илә вахт кечиририк. Јеһованын инсанларла рәфтары, о ҹүмләдән јахшы вә пис әмәл саһибләринин әһвалатлары барәдә охумагла Онун дүшүнҹә тәрзинә бәләд ола биләрик. Гәрар вермәли оланда мүгәддәс руһ Аллаһын Кәламындан өјрәндијимиз ваҹиб фикирләри вә принсипләри јадымыза сала биләр (Јһ 14:26).
Арашдырма апарын. Гәрар гаршысында галанда өзүнүзә суал верин: «Мүгәддәс Китабдакы һансы ајәләр вә әһвалатлар мәнә Јеһованын бу мәсәләјә бахышыны баша дүшмәјә көмәк едә биләр?» Дуа едиб Јеһовадан көмәк истәјин. Тәшкилатымызын сизин дилдә мөвҹуд олан ахтарыш вәсаитләринин көмәјилә вәзијјәтинизә ујғун принсипләри тапын вә онлара ујғун давранын (Зб 25:4).
«“ЈАРЫШДА ДӨЗҮМЛӘ ГАЧЫН”. ДҮЗҜҮН ГИДАЛАНЫН» АДЛЫ ВИДЕОЈА БАХАНДАН СОНРА СУАЛЛАРА ҸАВАБ ВЕРИН:
Ҝәнҹ баҹы һансы сынагларла үзләшмишди?
Бу ҹүр сынагларын өһдәсиндән ҝәлмәк үчүн ахтарыш вәсаитләриндән неҹә истифадә едә биләрсиниз?
Арашдырма апармаг вә мүталиә етмәк гәрар вермәли оларкән бизә неҹә көмәк едә биләр? (Иб 5:13, 14)