Аиләнизә севинҹ бәхш едә биләрсиниз

Јеһова истәјир ки, аиләләр хошбәхт олсун (Зб 127:3—5; Вз 9:9; 11:9). Амма бу дүнјанын јаратдығы стрес вә аилә үзвләримизин сәһвләри севинҹимизә көлҝә сала биләр. Аиләнин һәр бир үзвү аиләдәки севинҹә төһфә вермәк үчүн нә едә биләр?

Әр арвадына һөрмәт гојур (1Бт 3:7). Онунла вахт кечирир. Јолдашына гаршы анлајышлыдыр, ондан ҝүҹүндән артығыны ҝөзләмир вә арвадынын онун үчүн, аиләси үчүн етдикләрини гијмәтләндирир (Кл 3:15). О, јолдашына олан севҝисини дилә ҝәтирир вә ону тәрифләјир (Мс 31:28, 31).

Гадын әрини дәстәкләмәк үчүн әлиндән ҝәләни едир (Мс 31:12). О, әринә табе олур, онунла әмәкдашлыг едир (Кл 3:18). Һәмчинин әри илә нәзакәтлә данышыр. Башгаларынын јанында да әри һаггында һөрмәтҹил данышыр (Мс 31:26).

Валидејнләр өвладларына вахт ајырыр (Гн 6:6, 7). Өвладларына онлары севдикләрини дејир (Мт 3:17). Ушагларына тәрбијә, өјүд-нәсиһәт верәндә буну мәһәббәтлә вә бәсирәтлә едир (Еф 6:4).

Ушаглар валидејнләринә һөрмәт гојур вә онлара итаәт едир (Мс 23:22). Онлар валидејнләри илә фикирләрини вә һиссләрини бөлүшүр. Онлар валидејнләрини сајыб, сөзүнә гулаг асыр (Мс 19:20).

«АИЛӘНИЗДӘ СЕВИНҸ ҺӨКМ СҮРСҮН» АДЛЫ ВИДЕОЈА БАХАНДАН СОНРА НӨВБӘТИ СУАЛА ҸАВАБ ВЕРИН:

• Аиләләриндә севинҹ һөкм сүрмәси үчүн аиләнин һәр бир үзвү нә етди?