Ҝәләҹәјинизи нә мүәјјән едир?
Бир чохлары инаныр ки, инсанын ҝәләҹәјини бәзи ҝөзәҝөрүнмәз гүввәләр мүәјјән едир. Буна ҝөрә дә онлар хошбәхт олмаг үчүн мүәјјән инанҹлара, ајинләрә әмәл едирләр.
ИНАНҸЛАР
АСТРОЛОҜИЈА. Бәзи инсанлар инаныр ки, онларын ҝәләҹәји бүрҹләрдән, јәни доғулан вахт улдузларын неҹә дүзүлмәсиндән асылыдыр. Онлар башларына нә ҝәләҹәјини билмәк үчүн астроложи прогноза, јәни улдуз фалына мүраҹиәт едирләр. Сонра исә фалда дејиләнә мүвафиг һәрәкәт едирләр ки, өзләрини тәһлүкәдән горусунлар, јахуд уғур газансынлар.
ФАЛЧЫЛЫГ. Бәзиләри инаныр ки, ҝәләҹәјинин уғурлу олмасы үчүн фалчы илә мәсләһәтләшмәк лазымдыр. Онлар фалчынын дедијини нәзәрә алыб гәрарлар верирләр. Дүшүнүрләр ки, белә етсәләр, ишләри јахшы ҝедәҹәк.
ӘҸДАДЛАРА СИТАЈИШ. Бир чохлары инаныр ки, әҹдадларынын руһуну шад етмәк, аллаһлары разы салмаг лазымдыр. Белә етсәләр, һәмин руһлар онлары горујаҹаг вә ишләрини аванд едәҹәк. Вјетнамда јашајан Ванa дејир: «Мән инанырдым ки, әҹдадларымын руһуну шад етсәм, өзүмүн вә өвладларымын һәјаты һәм инди, һәм дә ҝәләҹәкдә хошбәхт олаҹаг».
РЕИНКАРНАСИЈА. Бир чохлары инаныр ки, инсан өләндән сонра јенидән доғулур вә бу, сонсузадәк белә давам едир. Онлар дүшүнүрләр ки, башларына ҝәлән һәм јахшы, һәм дә пис һадисәләр әввәлки һәјатда етдикләри әмәлләрин нәтиҹәсидир.
Амма бир чохлары бу кими инанҹлары мөвһумат һесаб едир. Бунунла белә, онлар әл фалына, улдуз фалына, ҹаду лөвһәләринә, карт фалына вә бу кими шејләрә мараг ҝөстәрирләр. Онлар үмид едирләр ки, бу шејләр васитәсилә ҝәләҹәкләриндән хәбәр тута биләрләр.
БӘС КӨМӘЈИ ДӘЈИР?
Бу ҹүр инанҹлара, ајинләрә әмәл едән инсанлар хошбәхт олублар?
Вјетнамда јашајан Һаунун нүмунәсинә бахаг. О, нә исә етмәмишдән габаг һәмишә улдуз фалы илә марагланырды, әҹдадларына ситајиш едирди ки, она јол ҝөстәрсинләр. Бәс бүтүн бунларын она көмәји дәјди? Һау дејир: «Бизнесими итирдим, борҹа ҝирдим, аиләмдә проблемләр јаранды, өзүм дә мәнән сарсылдым».
Тајвандан олан Чуминг дә улдуз фалына, реинкарнасијаја, талејә инанырды, әҹдадларына ситајиш едирди. Бу инанҹлары дәриндән арашдырандан сонра о деди: «Баша дүшдүм ки, бу тәлимләр, бу етигадлар бир-биринә зидд ҝедир, инсаны чашбаш гојур. Ҝөрүрдүм ки, улдуз фалы чох вахт сәһв чыхыр. О ки галды реинкарнасијаја, әҝәр инсан кечмиш һәјатыны хатырламырса, о неҹә дәјишә биләр, нөвбәти һәјаты үчүн неҹә јахшы тәмәл гоја биләр?»
«Баша дүшдүм ки, бу тәлимләр, бу етигадлар бир-биринә зидд ҝедир, инсаны чашбаш гојур» (ЧУМИНГ, ТАЈВАН).
Һау, Чуминг вә бир чохларынын да баша дүшдүјү кими, инсанын ҝәләҹәјини тале, улдузлар, әҹдадлар, реинкарнасија мүәјјәнләшдирмир. Бәс бу о демәкдир ки, ҝәләҹәјимизә һеч ҹүр тәсир едә билмәрик?
Бир чохлары дүшүнүр ки, али тәһсил, вар-дөвләт ҝөзәл ҝәләҹәк үчүн зәманәтдир. Бәс белә дүшүнән инсанлар ҝөзәл һәјата наил олублар?
a Бу вә нөвбәти мәгаләләрдә бәзи адлар шәртидир.
b Бу кәлам Мүгәддәс Китабын Галатијалылара 6:7 ајәсиндәндир.