Хошбәхт ҝәләҹәјә апаран јолу неҹә тапмаг олар?

Әввәлки мәгаләләрдән охудуг ки, инсанлар хошбәхт ҝәләҹәк гурмаг үчүн талејә, тәһсилә, вар-дөвләтә бел бағлајырлар, јахшы инсан олмаға чалышырлар. Анҹаг бу она бәнзәјир ки, инсан мәнзил башына чатмаг үчүн сәһв хәритәдән истифадә едир. Бәс бу о демәкдир ки, хошбәхт һәјата апаран јолу һеч ҹүр тапа билмәрик? Хејр!

ӘН ЕТИБАРЛЫ МӘНБӘ

Адәтән гәрар верәндә биздән јашҹа бөјүк, ағыллы инсанлардан мәсләһәт алырыг. Ејнилә, хошбәхт ҝәләҹәк гурмаг үчүн етибарлы мәсләһәти биздән гат-гат бөјүк, һикмәтли олан бир Кәсдән ала биләрик. Онун вердији мәсләһәтләр Мүгәддәс Јазыларда ҹәмләниб. Мүгәддәс Китаб адланан бу китабын илк кәлмәси тәхминән 3500 ил бундан әввәл јазылмышды.

Мүгәддәс Китаба етибар едә биләрсиниз. Чүнки онун Мүәллифи Каинатда ән һикмәтли Варлыгдыр. Мүгәддәс Китабда дејилир ки, О, «Әзәлдән Вар Олан»дыр, «әзәлдән әбәдијјәтә Аллаһ»дыр (Дәнјал 7:9; Зәбур 90:2). О, «ҝөјләри јарадан, вар олан,.. јерә гурулуш верән» Аллаһдыр (Әшија 45:18). Аллаһ Өз адыны бизә ачыб. Онун ады Јеһовадыр (Зәбур 83:18).

Аллаһ Мүгәддәс Китабы бүтүн бәшәријјәт үчүн ҝөндәриб. Она ҝөрә дә орада һансыса халг диҝәриндән үстүн тутулмур. Орадакы мәсләһәтләр көһнәлмир вә бүтүн дүнјадакы инсанлара фајда ҝәтирир. Мүгәддәс Китаб минләрлә дилә тәрҹүмә олунуб вә дүнјада ән ҝениш јајылмыш китабдырa. Бу о демәкдир ки, Мүгәддәс Китабы һамы охујуб баша дүшә биләр вә онун мәсләһәтләриндән фајдалана биләр. Бүтүн бунлар Мүгәддәс Китабда дејилән сөзләрин доғрулуғуну тәсдигләјир:

«Аллаһ ајры-сечкилик етмәјән Аллаһдыр, һәр халгын ичиндә Ондан горхан вә дүзҝүн иш ҝөрән адамдан разыдыр» (ҺӘВАРИЛӘРИН ИШЛӘРИ 10:34, 35).

Гајғыкеш валидејн өвладына өјүд-нәсиһәт вердији кими, Јеһова Аллаһ да Кәламы васитәсилә бизә өјүд-нәсиһәт верир (2 Тимутијә 3:16). Онун Кәламына етибар едә биләрсиниз, ахы бизи О јарадыб. Билир ки, һансы һәјат јолу бизим үчүн ән јахшысыдыр.

Белә бир һәјатда јашамаг үчүн нә етмәлисиниз? Нөвбәти мәгаләни охујун.