Мүталиә үчүн төвсијә

«Јеһованын Шаһидләринин нәшрләри үзрә ахтарыш» вәсаитиндә ајәләрин изаһыны охујурсунуз?

Бу изаһлар көмәк едир ки, Аллаһын Кәламыны дәриндән арашдыраг. Орада ајәнин аид олдуғу дөврдә вәзијјәтин неҹә олдуғу, бу ајәнин нәјә ҝөрә јазылдығы вә кимә үнванландығы илә бағлы тәфсилатлар јер алыр; һәмчинин ајәдәки һансыса сөзүн вә ја ифадәнин мәнасы изаһ олунур.

Һәм «Ҝөзәтчи Гүлләсинин ОНЛАЈН КИТАБХАНАСЫ^™», һәм дә «JW Library^®» тәтбиги васитәсилә ајәнин үзәриндән «Ахтарыш» вәсаитиндәки мәнбәјә дахил ола биләрсиниз. Бу мәнбәләри орада мөвҹуд олан истәнилән Мүгәддәс Китаб тәрҹүмәсинин мүталиә сүтунунда тапа биләрсиниз.

Мәнбәләрә баханда онларын һансы ардыҹыллыгла сыраландығына фикир верин. Сон мәгаләләр сәһифәнин башында олур, сәһифәнин ашағысына доғру исә даһа көһнә мәгаләләр јер алыр, орада әввәлки изаһлары тапмаг олар.

• «Ҝөзәтчи Гүлләсинин ОНЛАЈН КИТАБХАНАСЫ»нда «Ахтарыш» вәсаитиндәки ајәләрин мәнбәләри автоматик гурашдырылыб.

• «JW Library» тәтбигиндә исә һәмин мәнбәләри ҝөрмәк үчүн «Ахтарыш» вәсаитини јүкләмәк вә јениләндикҹә јенидән јүкләмәк лазымдыр. Бунун үчүн Мүгәддәс Китабын истәнилән ајәсинин үстүнә басын вә орада ачылан мүталиә сүтунунун јухарысындакы дүјмәјә басын.