Етибарлы бәләдчини һарадан тапа биләрсиниз?
Сүрәтлә дәјишән бу зәманәдә гәрарларынызын ҝөзәл нәтиҹәләр ҝәтирәҹәјинә неҹә әмин ола биләрсиниз? Һарадан билә биләрсиниз ки, бу ҝүн ҝөзүнүздә доғру ҝөрүнән шеј сабаһ јанлыш олмајаҹаг?
Мүгәддәс Китаб сајәсиндә әсла пешман олмајаҹағыныз гәрарлар верә биләрсиниз. Бу, неҹә мүмкүндүр? Мүгәддәс Китабын Мүәллифи Јараданымыздыр вә О, нәјин бизә әсл хошбәхтлик вә динҹлик бәхш едәҹәјини билир.
«Нәјин доғру олдуғуну О, сәнә сөјләди» (Микә 6:8).
Мүгәддәс Китабдакы һикмәтли мәсләһәтләрә етибар едә биләрик. «Онлар һәмишә, индидән та әбәдијјәтәдәк сабитдир» (Зәбур 111:8).
Ҝәлин сүрәтлә дәјишән бу дүнјада Мүгәддәс Китаб мәсләһәтләрини сынагдан кечирмәјә ҹан атаг.