Фидјәдән өнҹә ҝүнаһларын бағышланмасы

Бизим ҝүнаһларымыз јалныз Иса Мәсиһин өз ганы баһасына өдәдији фидјә сајәсиндә бағышланыр (Ефес. 1:7). Бунунла белә, Мүгәддәс Китабда дејилир: «Аллаһ сәбир ҝөстәриб кечмишдә [фидјәдән өнҹә] ишләнмиш ҝүнаһлары бағышлајырды» (Ром. 3:25). Јеһова фидјәдән әввәл ҝүнаһлары неҹә бағышлајырды вә бу, Онун мүкәммәл әдаләт принсипи илә неҹә узлашыр?

Јеһова Она вә вәдләринә иман ҝәтирән кәсләри хилас етмәк үчүн бир «өвлад» ҝәләҹәјини вәд етмишди. О, бу вәди верәндә санки фидјә артыг өдәнилди (Јар. 3:15; 22:18). Јеһова там әмин иди ки, тәјин етдији вахтда јеҝанә Оғлу көнүл хошлуғу илә фидјәни өдәјәҹәк (Гал. 4:4; Ибр. 10:7—10). Иса Аллаһын нүмајәндәси кими јер үзүндә оланда она ҝүнаһлары бағышламаг сәлаһијјәти верилмишди. Һәлә онда фидјә өдәнилмәмишди. О, иманлы инсанларын ҝүнаһыны бағышлајырды, чүнки билирди ки, верәҹәји фидјә онларын ҝүнаһларыны өртмәјә гадирдир (Мәт. 9:2—6).