Уорвик (Нју-Јорк) Баш идарә
Өтән илин мүһүм һадисәләри
ЈАШАДЫҒЫМЫЗ зәманәдә Шејтан дүнјасынын башына ард-арда фәлакәтләр ҝәлир. Буна бахмајараг, Јеһованын хидмәтчиләри «Рәббин ишиндә» чалышмаға давам едирләр (1 Кор. 15:58). Буилки һесабат бүтүн дүнјадакы Јеһованын Шаһидләринин Аллаһа неҹә ҝүвәндикләрини, јахшылыг етдикләрини вә сәдагәтлә аддымладыгларыны ҝөстәрир (Зәб. 37:3).
Баш идарәнин вә филиалын јери дәјишир
2016-ҹы ил февралын 1-и Уолкиллдә (Нју-Јорк) филиал биналарынын ҝенишләндирилмәси илә әлагәдар ҝедән тикинти ишләри јекунлашды. Беләҹә, АБШ-ын филиал комитәсинин, хидмәт шөбәсинин вә АБШ-ын диҝәр шөбәләринин бура көчүрүлмәси мүмкүн олду. Уорвикдәки јени баш идарәнин ишләри дә артыг јекунлашмаг үзрәдир. Бруклиндәки Бејтел аиләси шәһәрдән кәнара — Нју-Јоркдан Уорвикә көчмәк кими чәтин бир иши ҝөрмәјә башлајыб.
2017-ҹи ил апрелин 3-ү Уорвикдәки баш идарә зијарәт үчүн ачыг елан едиләҹәк. Гонаглар үч сәрҝини зијарәт едә биләҹәк вә онлара бәләдчинин мүшајиәтилә екскурсија кечириләҹәк.
«Мүгәддәс Китаб вә Аллаһын ады» сәрҝиси надир Мүгәддәс Китаб нүсхәләрини вә Аллаһын адынын Мүгәддәс Китаба әсасландығыны нүмајиш етдирир.
«Јеһованын адыны дашыјан халг» сәрҝиси Јеһованын Шаһидләринин тарихини әкс етдирир. Сәрҝидә Јеһованын Өз хидмәтчиләринә илләр әрзиндә неҹә рәһбәрлик вә тәлим вердији, һәмчинин онлары бир халг кими неҹә тәшкил етдији нүмајиш олунур.
«Баш идарә. Әмәлдә ҝөрүнән иман» сәрҝисиндә Аллаһын халгынын бирҝә топлашмасы, шаҝирд һазырламасы, илаһи биликләри баша дүшмәси вә гардашлыг мәһәббәти тәзаһүр етдирмәси үчүн Рәһбәрлик Шурасынын комитәләринин ҝөрдүјү ишләр нүмајиш олунур.
Бу сәрҝиләр һәфтә ичи 5 ҝүн, базар ертәсиндән ҹүмә ҝүнүнә гәдәр саат 08:00-дан 16:00-дәк ачыг олаҹаг. Зијарәтчиләр һәмчинин бәләдчинин мүшајиәтилә 20 дәгигәлик екскурсија кечә биләҹәк. Екскурсија заманы офисләр вә хидмәт бинасынын бәзи шөбәләри вә Бејтел әразиси һагда данышылаҹаг. Бәләдчинин мүшајиәтилә кечирилән екскурсија һәфтә ичи 5 ҝүн, базар ертәсиндән ҹүмә ҝүнүнә гәдәр саат 08:00-дан 11:00-дәк вә 13:00-дан 16:00-дәк олаҹаг.
Ҝәлмәздән өнҹә, зәһмәт олмаса, jw.org сајтындакы ҺАГГЫМЫЗДА > ФИЛИАЛЛАР ВӘ ЕКСКУРСИЈА > Бирләшмиш Штатлар бөлмәсинә дахил олун.