Һашијәләр

a 1917-ҹи ил Октјабр ингилабындан әввәл бир чох өлкәләр Григори тәгвиминдән истифадә етдији һалда, Русијада һәлә дә көһнә Јули тәгвиминдән истифадә едилирди. 1917-ҹи илдә Јули тәгвими Григори тәгвиминдән 13 ҝүн ҝеридә галырды. Ингилабдан сонра Советләр өлкәси, демәк олар ки, бүтүн өлкәләрдә истифадә едилән Григори тәгвиминә кечди. Буна бахмајараг, рус православ килсәси өз дини мәрасимләрини «көһнә үслуб» сајылан Јули тәгвиминә әсасән гејд едирди. Ола биләр, сиз Милад бајрамынын Русијада јанварын 7-дә гејд едилдијини билирсиниз. Беләликлә, Григори тәгвиминә әсасән јанварын 7-си Јули тәгвиминин декабрын 25-нә мүнасибдир. Буна ҝөрә, гышда Русијада гејд едилән бајрамларын ардыҹыллығы беләдир: декабрын 25-и (гәрб үслублу Милад бајрамы), јанварын 1-и (Јени ил), јанварын 7-си (православ Милад бајрамы), јанварын 14-ү (көһнә јени ил).