1 Ишмуил

31 Филиштлиләр исраиллиләрлә вурушдулар.+ Исраиллиләр филиштлиләрин өнүндән гачды. Чохлу сајда исраилли Ҝилбу дағында һәлак олду.+ 2 Филиштлиләр Талутла оғулларыны сыхышдырдылар. Онлар Талутун оғуллары+ Јонатаны+, Әбунәдәби вә Мәлкишуну өлдүрдүләр. 3 Талута гаршы дөјүш шиддәтләнди, охчулар ону тапыб ағыр јараладылар.+ 4 Талут өз силаһдарына деди: «Гылынҹыны чәк, мәни вур. Јохса бу сүннәтсизләр+ ҝәлиб мәни вураҹаг, мәнә ишҝәнҹә верәҹәкләр». Амма силаһдары буну етмәди, чүнки бәрк горхурду. Онда Талут гылынҹы ҝөтүрүб өзүнү онун үстүнә атды.+ 5 Силаһдары Талутун өлдүјүнү ҝөрәндә,+ о да өзүнү гылынҹын үстүнә атды вә Талутла бирҝә өлдү. 6 Беләликлә, Талут, үч оғлу, силаһдары, онун бүтүн адамлары һәмин ҝүн бир јердә һәлак олду.+ 7 Дәрәдәки, Иордан бөлҝәсиндәки исраиллиләр Исраил дөјүшчүләринин гачдығыны, Талутла оғулларынын өлдүјүнү ҝөрәндә өз шәһәрләриндән чыхыб гачдылар.+ Филиштлиләр ҝәлиб о шәһәрләрдә мәскунлашдылар.

8 Нөвбәти ҝүн филиштлиләр өлүләри сојмаға ҝәләндә Ҝилбу дағында Талутун вә онун үч оғлунун мејитини тапдылар.+ 9 Талутун башыны кәсиб јараг-әсләһәсини ҝөтүрдүләр. Бу хәбәри бүтүн бүтханаларда+, ҹамаат арасында ҹар чәкмәк үчүн Филишт мәмләкәтинин һәр тәрәфинә гасидләр ҝөндәрдиләр.+ 10 Сонра Талутун јараг-әсләһәсини Әштурәт бүтханасына гојдулар, ҹәсәдини исә Бејт-Шәнин+ диварына мыхладылар. 11 Јабеш-Ҝиладлылар+ филиштлиләрин Талутун башына ҝәтирдији шејләри ешитдиләр. 12 Шәһәрин иҝидләри галхыб бүтүн ҝеҹәни јол ҝетдиләр. Ҝәлиб Талутла оғулларынын ҹәсәдини Бејт-Шәнин диварындан ҝөтүрдүләр вә Јабешә гајыдыб ҹәсәдләри орада јандырдылар. 13 Сонра онларын сүмүкләрини+ Јабешдә+ јулғун ағаҹынын алтында дәфн етдиләр вә једди ҝүн оруҹ тутдулар.