2 Салнамәләр

27 Јутәм+ тахта чыханда ијирми беш јашында иди вә он алты ил Јерусәлимдә һакимијјәт сүрдү. Онун анасы Садығын гызы Јәрусә иди.+ 2 О, атасы Үзијјә кими, Јеһованын бәјәндији ишләри ҝөрүрдү.+ Анҹаг о, Јеһованын мәбәдинә ҝирмәди.+ Халг исә һәлә дә мәнфур ишләр ҝөрүрдү. 3 О, Јеһованын евинин јухары дарвазасыны+ тикди, Офел+ диварынын үзәриндә чохлу тикинти ишләри ҝөрдү. 4 Јәһуда дағлыг бөлҝәсиндә дә шәһәрләр салды,+ мешәлик јерләрдә истеһкамлар+, галалар тикди.+ 5 Јутәм әмуниләрин падшаһы илә мүһарибә етди+ вә әмуниләрә үстүн ҝәлди. Әмуниләр она һәмин ил 100 талант* ҝүмүш, 10 000 кор* буғда вә 10 000 кор арпа хәраҹ вердиләр. Әмуниләр она икинҹи вә үчүнҹү ил дә бу мигдарда хәраҹ вердиләр.+ 6 Јутәм ҝет-ҝедә даһа да ҝүҹләнирди, чүнки о, Аллаһы Јеһованын өнүндә дүзҝүн әмәл саһиби иди.

7 Јутәмин галан ишләри, етдији мүһарибәләр вә онун әмәлләри Исраил вә Јәһуда падшаһларынын китабында јазылыб.+ 8 О, ијирми беш јашында тахта чыхды вә он алты ил Јерусәлимдә һакимијјәт сүрдү.+ 9 Јутәм ата-бабаларына говушду, ону Давуд шәһәриндә+ дәфн етдиләр. Оғлу Әһәз онун јеринә тахта чыхды.+