Әшија
27 О ҝүн Јеһова амансыз, бөјүк, ҝүҹлү гылынҹыјла+ ливјатанын*, о сүрүнән иланын ҹәзасыны верәҹәк,
Ливјатанын, о гыврылан иланын,
О дәниздәки әждаһанын ахырына чыхаҹаг.
2 О ҝүн онун үчүн бу нәғмәни охујун:
Тез-тез ону сулајырам.+
Ҝеҹә-ҝүндүз кешијини чәкирәм,
Кимсә зәрәр вурмасын.+
4 Мән даһа она гәзәбләнмирәм.+
Ким үстүмә тиканла, гангалла дөјүшә чыхса,
Һамысыны ајаглајарам, јандырыб күл едәрәм.
5 Јахшысы будур, пәнаһыма сығынсын,
Гој Мәнимлә барышсын,
Мәнимлә сүлһ бағласын».
6 Ҝәләҹәк ҝүнләрдә Јагуб көк атаҹаг,
Исраил чичәкләнәҹәк, шахәләнәҹәк,+
Өлкәни өз бары илә долдураҹаг.+
7 О, ону вуранын зәрбәсилә вурулмалыдырмы?
Јахуд ону өлдүрәнин гырғыныјла өлмәлидирми?
8 Горхунҹ сәслә онунла чәкишиб ону говаҹагсан.
Шәрг күләји әсән ҝүн О, шиддәтлә үфүрүб ону говаҹаг.+
9 Беләҹә, Јагубун тәгсиринин кәффарәси вериләҹәк;+
Ҝүнаһынын силинмәси бу бәһрәни верәҹәк:
О, гурбанҝаһын бүтүн дашларыны
Тәбашир кими әзиб тоза дөндәрәҹәк.
Нә Ашера бүтләри, нә дә бухурдан галаҹаг.+
10 Истеһкамлы шәһәр сакинсиз галаҹаг;
Отлаглары бијабан кими саһибсиз олаҹаг,+
Орада бузов отлајаҹаг, јатыб динҹәләҹәк.
Онун будагларыны јејиб мәһв едәҹәк.+
11 Будаглар гурујанда
Гадынлар ҝәлиб онлары гопараҹаг,
Онлардан оҹаг галајаҹаг.
Бу халг надан халгдыр.+
Буна ҝөрә Јараданы она рәһм етмәјәҹәк,
Халиги она лүтф ҝөстәрмәјәҹәк.+
12 О ҝүн Јеһова ҝур-ҝур ахан чајдан* тутмуш Мисир вадисинә+ кими бары вуруб төкәҹәк. Беләҹә, еј Исраил әһли, бир-бир топланаҹагсыныз.+ 13 О ҝүн бөјүк шејпур чалынаҹаг.+ Ашшур+ торпағында тәләф оланлар, Мисир торпағына сәпәләнәнләр+ ҝәлиб Јерусәлимдә, мүгәддәс дағда Јеһоваја сәҹдә едәҹәкләр.+