Әрәмја
36 Јәһуда падшаһы Јушијјә оғлу Јәһјакимин һакимијјәтинин дөрдүнҹү илиндә+ Әрәмјаја Јеһованын сөзү назил олду: 2 «Бир тумар ҝөтүр вә Јушијјәнин дөврүндә сәнинлә данышдығым илк ҝүндән бу ҝүнә кими+ Исраил, Јәһуда вә бүтүн халглар барәдә+ сәнә дедијим сөзләрин һамысыны јаз.+ 3 Бәлкә, јәһудалылар онларын башына ҝәтирмәк истәдијим бәла барәдә ешидиб пис јолларындан дөнәрләр. Мән дә онларын тәгсирини, ҝүнаһыны әфв едәрәм».+
4 Әрәмја Нурјаһ оғлу Бәруху+ чағырыб Јеһованын дедији һәр шеји она диктә етди. Бәрух да онлары тумара јазды.+ 5 Сонра Әрәмја Бәруха бујурду: «Мән дустағам, Јеһованын мәбәдинә ҝедә билмирәм. 6 Буна ҝөрә ора сән ҝет вә мәним диктәмлә тумара јаздығын Јеһованын сөзләрини уҹадан оху. Онлары оруҹ ҝүнү Јеһованын евиндә, Јәһуданын бүтүн шәһәрләриндән ҝәлән ҹамаатын гаршысында оху. 7 Бәлкә, Јеһовадан лүтф диләјәрләр, пис јолларындан дөнәрләр. Чүнки бу халгын әлејһинә Јеһованын изһар етдији гәзәб вә һиддәт бөјүкдүр».
8 Нурјаһ оғлу Бәрух Әрәмја пејғәмбәрин дедији һәр шеји етди. Јеһованын евиндә Јеһованын сөзләрини уҹа сәслә тумардан охуду.+
9 Јәһуда падшаһы Јушијјә оғлу Јәһјакимин+ һакимијјәтинин бешинҹи илинин доггузунҹу ајында Јерусәлим әһли вә Јәһуда шәһәрләриндән Јерусәлимә ҝәлән ҹамаат Јеһованын өнүндә оруҹ елан етди.+ 10 Онда Бәрух Јеһованын евиндә мирзә Шафанын+ оғлу Ҹәмәринин+ отағында* тумардан Әрәмјанын сөзләрини уҹадан халга охуду. (Отаг јухары һәјәтдә, Јеһованын евинин тәзә дарвазасынын ҝиришиндә јерләширди.)+
11 Шафан оғлу Ҹәмәринин оғлу Микај тумардан охунан Јеһованын сөзләрини ешитди. 12 О, падшаһ сарајына, катибин отағына ҝетди. Бүтүн әјанлар — катиб Әлшама+, Шәмај оғлу Дәлај, Аһбур+ оғлу Әлнәтан+, Шафан оғлу Ҹәмәри, Һәнанијјә оғлу Сидгијјә вә о бири әјанлар орада әјләшмишди. 13 Микај онлара Бәрухун тумардан халга охудуғу сөзләри данышды.
14 Онда әјанлар Кушинин нәтиҹәси, Шәләмјанын нәвәси, Нәсәнијјәнин оғлу Јәһуду Бәрухун јанына ҝөндәриб дедиләр: «Халгын гаршысында охудуғун тумары ҝөтүр, бура ҝәл». Нурјаһ оғлу Бәрух тумары ҝөтүрүб онларын јанына ҝетди. 15 Әјанлар она дедиләр: «Ҝәл отур, бу сөзләри бизә дә оху». Бәрух тумары онлара охуду.
16 Онлар тумардакы сөзләри ешитҹәк горху ичиндә бир-бириләринә бахдылар вә Бәруха дедиләр: «Бу сөзләри мүтләг падшаһа билдирмәлијик». 17 Сонра ондан сорушдулар: «Сөјлә, бу сөзләри неҹә јаздын? Онун диктәси илә јаздын?» 18 Бәрух ҹаваб верди: «О, бу сөзләри диктә етди, мән дә мүрәккәблә тумара јаздым». 19 Онда әјанлар Бәруха дедиләр: «Ҝет ҝизлән. Сән дә, Әрәмја да ҝизләнин. Јеринизи һеч ким билмәсин».+
20 Сонра һәјәтә, падшаһын јанына ҝетдиләр. Тумары исә катиб Әлшаманын отағында сахладылар. Ешитдикләри һәр шеји падшаһа данышдылар.
21 Падшаһ Јәһуду+ тумарын далынҹа јоллады. Јәһуд катиб Әлшаманын отағындан тумары ҝөтүрүб ҝәтирди. Падшаһын вә јанында дуран әјанларын гаршысында охумаға башлады. 22 Доггузунҹу ај* иди. Падшаһ гыш сарајында отурмушду. Өнүндә мангал јанырды. 23 Јәһуд тумары охудугҹа һәр үч-дөрд сүтундан бир падшаһ катиб бычағы илә һәмин һиссәни кәсиб мангалда јанан ода атырды. Беләҹә, бүтүн тумар мангала атылды. 24 Нә падшаһ, нә дә онун хидмәтчиләри бу сөзләри ешидәндә горхмады, јахасыны ҹырмады. 25 Әлнәтан+, Дәлај+ вә Ҹәмәри+ нә гәдәр падшаһа јалварды ки, тумары јандырмасын, падшаһ онлара гулаг асмады. 26 Үстәлик, шаһзадә Јарәһмиилә, Әзриил оғлу Сәрәјаһа, Әбдил оғлу Шәләмјаја әмр етди ки, катиб Бәруху вә Әрәмја пејғәмбәри тутуб ҝәтирсинләр. Амма Јеһова онлары ҝизләтмишди.+
27 Падшаһ Әрәмјанын диктәси илә Бәрухун јаздығы тумары јандырандан сонра јенидән Әрәмјаја Јеһованын сөзү назил олду:+ 28 «Башга бир тумар ҝөтүр вә Јәһуда падшаһы Јәһјакимин јандырдығы биринҹи тумардакы+ сөзләри ејнән јаз. 29 Јәһуда падшаһы Јәһјаким барәдә белә сөјлә: “Јеһова дејир: “Сән бу тумары јандырыб дедин: “Нијә бурада јазмысан ки, Бабил падшаһы ҝәлиб бу өлкәни дағыдаҹаг, өлкәдә инсан, һејван сахламајаҹаг?”+ 30 Одур ки, Јеһова Јәһуда падшаһы Јәһјаким барәдә дејир: “Давудун тахтында онун нәслиндән һеч ким отурмајаҹаг.+ Онун ҹәсәди ҝүндүзүн гызмарында, ҝеҹәнин ајазында галаҹаг.+ 31 Тәгсирләринә ҝөрә ондан, өвладларындан, хидмәтчиләриндән һагг-һесаб тәләб едәҹәјәм. Онларын, Јерусәлим әһлинин, Јәһуда ҹамаатынын үстүнә бәла ҝәтирәҹәјәм. Мән бу бәла барәдә онлара демишдим,+ амма онлар гулаг асмамышдылар”».+
32 Беләҹә, Әрәмја башга бир тумар ҝөтүрүб катиб Нурјаһ оғлу Бәруха верди.+ Бәрух Јәһуда падшаһы Јәһјакимин јандырдығы тумардакы+ сөзләри Әрәмјанын диктәсилә јенидән тумара јазды. Ора бу сөзләрә охшар хејли башга сөзләр дә әлавә едилди.