Һушә

1 Јәһуда падшаһлары+ Үзијјә+, Јутәм+, Әһәз+, Һизгијјә+ вә Исраил падшаһы Јуәш+ оғлу Әрубамын+ дөврүндә Биири оғлу Һушәјә* Јеһованын сөзү назил олду. 2 Јеһова Һушә васитәсилә сөзүнү билдирди. Јеһова сөзүнә белә башлады: «Ҝет өзүнә бир арвад ал. О, зинакар олаҹаг вә сәнә биҹ өвладлар доғаҹаг. Чүнки өлкә ҹамааты Јеһоваја+ хәјанәт етмәклә зинакарлыг едир».

3 Һушә ҝедиб Диблајимин гызы Ҝүмәрлә евләнди. О һамилә галыб она бир оғул доғду.

4 Јеһова Һушәјә деди: «Онун адыны Јизраил* гој, чүнки Мән тезликлә Јизраилдә төкдүјү гана ҝөрә Јәһу+ еви илә һагг-һесаб чәкәҹәјәм вә Исраил евинин тахт-таҹына сон гојаҹағам.+ 5 О ҝүн Јизраил дәрәсиндә Исраилин каманыны гыраҹағам».

6 Ҝүмәр јенә һамилә галды вә бир гыз доғду. Онда Аллаһ Һушәјә деди: «Гызын адыны Ләрәһимә* гој, чүнки Мән даһа Исраил евинә мәрһәмәт ҝөстәрмәјәҹәјәм.+ Онлары сүрҝүн едәҹәјәм.+ 7 Јәһуда+ евинә исә мәрһәмәт ҝөстәрәҹәјәм. Онлары ох-каман, гылынҹ, мүһарибә, ат вә атлыларын ҝүҹү илә јох,+ онларын Аллаһы Јеһованын ҝүҹү илә хилас едәҹәјәм».+

8 Ҝүмәр Ләрәһимәни дөшдән ајырандан сонра јенә һамилә галыб бир оғлан доғду. 9 Аллаһ деди: «Онун адыны Ләүммәт* гој, чүнки сиз халгым дејилсиниз, Мән дә сизин Аллаһыныз олмајаҹағам.

10 Исраил оғуллары өлчүјә, саја-һесаба ҝәлмәјән дәниз гуму кими олаҹаг.+ Һарада ки онлара “халгым дејилсиниз”+ дејилмишди, орада онлара “вар олан Аллаһын оғуллары” дејиләҹәк.+ 11 Јәһуда вә Исраил ҹамааты бирләшиб ҹәм олаҹаг+ вә өзләринә ваһид бир башчы сечиб өлкәдән чыхаҹаглар. Чүнки Јизраил+ ҝүнү мөһтәшәм бир ҝүн олаҹаг.