Һушә
8 «Шејпур чал!+
Дүшмән Јеһованын еви үзәринә гартал кими шығыјыр,+
2 Онлар фәрјад едирләр: “Еј Аллаһымыз, биз исраиллиләр Сәни таныјырыг”.+
3 Исраил јахшылығы рәдд етди.+
Гој дүшмән ону тәгиб етсин.
4 Онлар Мәнсиз падшаһлар гојдулар,
Танымадығым кәсләри башчы гојдулар.
5 Еј Сәмәријјә, сәндәки дана бүтүнү рәдд етдим.+
Гәзәбим онлара гаршы аловланды.+
Нә вахтадәк паклаша билмәјәҹәкләр?
6 Бу, Исраилин ишидир.
Ону уста дүзәлдиб, о, Аллаһ дејил.
Буна ҝөрә Сәмәријјәдәки дана бүтү хынҹым-хынҹым олаҹаг.
Тахылларда сүнбүл јохдур,+
Ҹүҹәрән сүнбүлләрдән ун чыхмыр,
Чыхса да јадлар јејәҹәк.+
Онлар халглар арасында
Ҝәрәксиз габ кими олаҹаглар.+
9 Чүнки онлар јалгыз чөл ешшәји кими Ашшура ҝетдиләр.+
Әфраим муздла өзүнә мәшуглар тутду.+
10 Халглар арасындан өзләринә муздла мәшуглар тутсалар да,
Инди онлары бир јерә топлајаҹағам.
Онлар падшаһ вә башчыларын гојдуғу јүк алтында әзаб чәкәҹәкләр.+
11 Әфраим ҝүнаһ ишләмәк үчүн гурбанҝаһлары чохалтды.+
Бунлар онун ҝүнаһ гурбанҝаһлары олду.+
12 Мән онун үчүн чохлу ганунлар јаздым,
Лакин о, онлары гәбул етмәди.+
13 Мәнә бәхшиш олараг гурбан ҝәтирир, әтиндән јејирләр,
Амма Јеһова онлардан разы галмыр.+
О, онларын тәгсирини јада салаҹаг, ҝүнаһларына ҝөрә ҹәзаландыраҹаг.+
Мән онун шәһәрләринә од ҝөндәрәҹәјәм,
Һәр биринин гүлләсини јандырыб јох едәҹәк».+