Јунус

1 Јеһованын сөзү Амитај оғлу Јунуса*+ назил олду: 2 «Дур, Нејнәваја*+, о бөјүк шәһәрә ҝет вә һөкм хәбәрини орада бәјан ет, чүнки онларын шәр әмәлләри дәрҝаһыма јетишиб».

3 Лакин Јунус Јеһовадан гачмаг үчүн дуруб Таршишә үз тутду. О, Јаффаја енди вә Таршишә ҝедән бир ҝәми тапды. Һаггыны өдәјиб ҝәмијә минди вә Јеһовадан гачмаг үчүн ҝәмидәкиләрлә Таршишә јолланды.

4 Јеһова дәнизин үзәринә ҝүҹлү күләк ҝөндәрди вә дәниздә фыртына гопду. Ҝәми аз гала батаҹагды. 5 Ҝәмичиләр ваһимәјә дүшдүләр вә һәр бири өз аллаһыны көмәјә чағырмаға башлады. Онлар ҝәмини јүнҝүлләшдирмәк үчүн јүкү дәнизә атмаға башладылар.+ Јунус исә ҝәминин анбарына енмиш, узаныб бәрк јухуја ҝетмишди. 6 Ҝәминин капитаны онун јанына ҝәлиб деди: «Нә јатмысан? Дур ајаға, аллаһыны чағыр. Бәлкә, вар олан Аллаһ үзүмүзә бахар, сағ галарыг».+

7 Ҝәмичиләр бир-бириләринә дедиләр: «Ҝәлин пүшк атаг,+ ҝөрәк бу бәла кимин уҹбатындан башымыза ҝәлиб». Онлар пүшк атдылар, пүшк Јунуса дүшдү.+ 8 Ондан сорушдулар: «Де ҝөрәк бу бәла кимә ҝөрәдир? Нәчисән? Һарадан ҝәлирсән? Вәтәнин һарадыр? Һансы халгдансан?»

9 Јунус ҹаваб верди: «Мән ибранијәм. Дәнизи вә торпағы јарадан ҝөјләрин Аллаһы Јеһованын гулујам*».

10 Онлар даһа чох горхдулар вә дедиләр: «Сән нә етмисән?!» (Онлар Јунусун Јеһовадан гачдығыны билирдиләр, буну өзү онлара данышмышды.) 11 Дәниз ҝетдикҹә ҹошурду. Онда онлар сорушдулар: «Сәнинлә нә едәк ки, дәниз сакитләшсин?» 12 Јунус деди: «Мәни галдырыб дәнизә атын, дәниз сакитләшәҹәк. Чүнки билирәм, бу ҝүҹлү фыртына мәним уҹбатымдан сизи јахалады». 13 Ҝәмичиләр исә вар ҝүҹләри илә авар чәкиб саһилә јан алмаға чалышдылар, амма баҹармадылар, чүнки дәниз ҝет-ҝедә даһа да ҹошурду.

14 Онлар Јеһоваја јалвармаға башладылар: «Амандыр, Јеһова, гојма бу адама ҝөрә мәһв олаг! Гојма ҝүнаһсыз ган үстүмүздә галсын! Чүнки, еј Јеһова, Сән белә истәмисән». 15 Сонра Јунусу галдырыб дәнизә атдылар вә ҹошгун дәниз сакитләшди. 16 Онда бу кишиләр Јеһовадан бәрк горхмаға башладылар+ вә Јеһоваја гурбан ҝәтириб нәзир дедиләр.

17 Јеһова нәһәнҝ бир балыг јетирди вә балыг Јунусу удду. Јунус үч ҝүн, үч ҝеҹә балығын гарнында галды.+